Dong Puno Live, humahataw

Tatlong buwan pa lang sa ere ang bagong edisyon ng Dong Puno Live sa ABS-CBN, ngunit napatunayan na nila na maaaring marinig ang boses, hinaing at opinion ng masa sa isang late-night current affairs show.

Magkabalikat sa Dong Puno Live sina Atty. Dong Puno at si Doris Bigornia.

Ang Dong Puno Live lamang ang nagdadala ng mga taong tunay na makapagbabago ng ating mundo sa telebisyon linggo-linggo, upang humarap sa tao at sumagot sa mga isyung nakaapekto sa ating lahat, ano man ang kontrobersya, ano man ang paksa.

Inter-active din ang programang ito, kung saan ang opinyon mo ay maaaring maihatid din sa mga pinaka-makapangyarihang tao sa bansa sa pamamagitan ng telepono, internet at cellphone.

Palabas ang Dong Puno Live sa ABS-CBN tuwing Huwebes ng gabi, pagkatapos ng Insider.