Ogie,Regine may mahabang kissing scene sa Captain Barbell

Nasa bansa ang London-based na Sampaguita, isang children ensemble of mixed/Filipino parentage, aged 4 to 16 na magagaling kumanta at sumayaw at kilala sa United Kingdom at continental Europe lalo na sa kanilang mga routine ng excerpts mula sa Broadway plays gaya ng Annie at May Poppins.

Pinaka-batang artists ng Candid Records ang Sampaguita na binubuo nina jazz diva Stacey Kent, jazz princess Clare Teal, foreign visitor Cameron Pierre, Uk’s newest heartthrob and jazz sensation Jamie Cullum. Ang debut album nila na pinamagatang "Children of the World" na na-launched sa isang sold out concert sa Commonwealth Institute sa Kensington High ay nagtatampok sa walong heartwarming and joyful melodies tulad ng "Park’s" "Something Stupid", Paul Anka’s "Puppy Love", Michael Jackson’s "This Girl is Mine", "Tomorrow", at ang "Mary Poppin’s Medley".

May mga komposisyon si Vehnee Saturno sa album, ang title track na "Children of the World", "Love Is All We Need" at "Pity On Me". May Tagalog version ito na pinamagatang "Palimos Po" tungkol sa isang streetchild na humihingi ng limos. Ang kikitain dito ng album ay ipagkakaloob ng pangulo ng Candid Records na si Nieve Bates sa Knights of Rizal Orthopedic Trust, isang charity sa UK at Asilo de San Vicente de Paul na tumutulong sa mga batang nangangailangan.

Mapapanood ang Sampaguita sa Disyembre 26 sa Stageworx; 6th level ng Shangri-la Mall Edsa; Dis. 27, Kidz World Dasmariñas, Cavite; Dis. 30, Podium’s The Lounge. Nasa Storyland din sila, SM Southmall (Dis. 21); Storyland, SM Fairview (Dis. 28); Dreamscape, Robinson’s Galleria (Dis. 22 at 29); SM Megamall (Dis. 30); SM North Edsa (Dis. 31) at sa Enchanted Kingdom sa Enero 1. Ang "Children of the World" ay ipinamamahagi ng Ivory Records Phils. Para sa ticket inquiries, tumawag sa Candid Hotline 7244832.

* * *

** Himalang parang biglang naglaho o nawalang parang bula ang isyu kina Ogie Alcasid at Regine Velasquez. Ngayon pa namang malapit nang ipalabas ang pelikula nila, ang Captain Barbell.

Gusto ko tuloy maniwala na talagang gimik lamang ang naging tsismis sa kanila para sa maagang promo ng kanilang pelikula.

Unfair dahil hindi lamang ang dalawa ang nasaktan kundi maging ang pami-pamilya nila.

Samantala, dinumog ang premiere showing ng Captain Barbell sa Megamall nung Linggo ng gabi.

Dapat lamang palang magpakasipag si Ogie sa movie dahil siya ang bida rito, silang dalawa ni Bong bagaman at mas mahaba ang role niya kaysa kay Bong. Mas marami rin at mahaba ang mga kissing scene nila ni Regine.

Bukod dito, kapansin-pansin sa pelikula sina Antonio Aquitania, Goyong at Sarah Geronimo. I’m sure marami ang magiging offers nilang pelikula after Captain Barbell na alam kong kagigiliwan ng mga bata.

* * *

Parang hindi rin nawala ng isang buwan si Rica Peralejo na nakikita mo halos araw-araw sa mga palabas sa TV, maging dun sa labas ng kanyang Mother network na nagpu-promote ng Malikmata, ang entry ng Canary Films sa MMFF.

Sa isang interview, itinanggi ni Rica ang sinasabing ayaw na niyang gumawa ng bold movies. Kung may darating daw na talagang isang magandang proyekto, gagawin niya ito kahit pa ito ay isang bold movie. "It has to be worth it and it has to be different from my past films," aniya. "Tutal naman may mga offers ako na tinatanggap na hindi na kailangang mag-bold," paliwanag niya.

Gaya ng Malikmata na tungkol sa kakaibang mundo ng mga hindi mapakaling espiritu at ang mga taong nilalapitan nila para hingan ng tulong.

Si Rica si Santa, isang clairvoyant, isang taong may third eye na nakakakita ng mga bagay-bagay bago ito mangyari.

Kasama niya sa movie sina Dingdong Dantes, Marvin Agustin, Ricky Davao, Anna Capri, Nikki Valdez, Wowie de Guzman, Shintaro Valdez at Barbara Perez. Sa direksyon ni Jose Javier Reyes.