Original print ng bold photos ni Maui, ipi-present sa media

Since consistent si Maui Taylor sa pagsasabing niretoke ang photos niya na lumabas sa Hot Stuff magazine, magpapa-presscon ang Viva, publisher ng magazine para matapos na ang ilusyon ng bold star na ‘to.

Ipi-present sa nasabing presscon ang original print ng photos na kinunan na intended for that magazine kasama ang mga legal counsel.

Ayon sa source, hawak na lahat ng Viva ang mga documents at mga interview ni Maui na kung anu-anong sinasabi. "The more na nagsasalita siya, mas lalo lang siyang nababaon sa kumunoy," the source said.

In the first place, puwede bang retokehin ang pubic hair niya eh original print ‘yun. Dapat pa nga siyang magpasalamat dahil nakasama siya sa nasabing magazine na collector’s item.

Besides, base sa nakita ko sa Hot Stuff parang ‘yung boobs lang niya ang hindi nagmo-move.

Panay ang sabi ngayon ni Maui ididemanda niya ang Viva dahil nga raw niretoke ang nasabing picture.

*****

Successful as in dinagsa ng mga fans ang first ever grand fans day ni Sarah Geronimo na ginanap sa Elephant World ng Fiesta Carnival sa Cubao last Sunday.

Actually, hindi ko ini-expect na ganoon na pala karami ang fans ni Sarah. At hindi lang mga fans na planong mag-usyoso kundi para maging member ng fans club na ini-launch that particular day.

Pami-pamilya ang dumarating at hindi matapos-tapos ang pila sa labas ng Elephant World.

Kailangan kasi nilang pumila para makakuha ng registration form para maging member ng fans club at para sa giveaways.

As she promised, pinasaya ni Sarah ang mga fans niya partikular na ang mga kabataan na memorize ang kanta niyang "To Love You More" and "Forever’s Not Enough."

Nagkaroon kasi ng contest bago siya kumanta. Imagine mga 3 to 4 years old, memorize na nila ang songs ni Sarah. Gulat na gulat nga ang mga tao sa mga bagets dahil grabe na ang boses. Kayang-kaya nilang sabayan ang minus one ng Pop Princess.

"Hindi ko na po alam kung paano pa akong magpapasalamat sa lahat ng taong tumulong sa akin. Grabe po talaga, hindi ko po ito ini-expect," sabi niya na mangiyak-ngiyak.

One o’clock pa lang ay marami nang nakapila sa gate ng Elephant World. ‘Yung iba nga raw, galing pa sa iba’t ibang probinsiya na pumunta pa ng Maynila para lang makita ng personal ang kanilang idolo na mabilis na sumikat after she won sa Star For A Night.

"Malayo pa ang mararating ng batang ‘yan," sabi ng isang showbiz observer.

Phenomenal kasi ang pagpasok ni Sarah sa showbiz. Imagine nga naman, in a short period of time, sikat na sikat na siya.

Talented naman kasi talaga. Double platinum na rin ang debut album niya under Viva Records at all praise din siya sa major concert niya sa Music Museum na agad nagkaroon ng repeat. Tapos dalawa agad ang pelikula na incidentally ay pareho pang entry sa darating na Metro Manila Film Festival - Filipinas at Captain Barbell.

Pero mas mahaba ang exposure niya sa Filipinas. In fact, sa trailer pa lang ng movie, siya yata ang may pinaka-mahabang exposure among the young stars na kasama sa pelikula. Kaya naman sa float ng nasabing pelikula siya sasakay sa parade of star on December 24.

"Saka nag-enjoy talaga po akong gawin ang movie na ‘to dahil mga idol ko ang kasama ko. Like si Ate Maricel (Soriano). Akala ko po hindi niya ako papansinin dahil bago lang ako. Pero hindi po ganoon ang nangyari, sobrang bait po niya at very supportive," sabi niya after the presscon last Tuesday night.

Bata pa lang daw kasi siya, ini-idolo na niya si Maricel, tapos all of a sudden kasama na niya sa pelikula.

Aside from Maricel, kasama rin sa movie sina Richard Gomez, Armida Siguion Reyna, Dawn Zulueta, Aiko Melendez na dinirek ni Joel Lamangan.

*****

Tuloy na tuloy na ang wedding nina Sherilyn Reyes and Chris Tan sa isang civil wedding rites on December 17, Wednesday at 5:30 p.m. sa La Cocina de Tita Moning in Legarda.

Isang CD ang invitation nina Chris at Sherilyn - This is our story with 11 songs - "Panunumpa," "Superman," "Pangako," "Pangako Ko, Kailangan Kita," "Kung Mawawala Ka," "I Never Thought of All the Things," "Hanggang," "Forever is not Enough," "Because of You," "All My Life," "Can’t Get Enough of Your Love Baby," "Truly," "I’d Rather" and "Through the Years."

Kung matatandaan, naging issue ang love story ng dalawa dahil pareho silang married nang ma-in love sila with each other.

Well, siguro nga true love ang na-feel nila kaya kahit married sila ay na-in love pa rin sila.

*****

Sa sobrang excitement ni Assunta de Rossi sa kanilang church wedding ni Congressman Jules Ledesma, halos hindi na siya makatulog ng normal kaya lately ay nangangayayat siya.

Isa pang nakaka-add ng excitement niya ang pagpunta nila sa New York kung saan siya bibili ng wedding dress.

"Ewan ko ba. Pero iba pala ang feeling ng ikakasal sa simbahan. Hindi katulad ng ikakasal sa civil, hindi masyadong nakaka-excite," sabi niya.

Busy na sila pareho ni Congressman Jules sa preparation dahil sila personally ang nag-aasikaso ng mga kailangan sa kasal.