Otso-Otso isa nang pakontes sa MTB

Ang makulay na kwento ng kaibigan kong si Ogie Diaz (Roger Pandaan in real life) ang tampok sa Maalaala Mo Kaya bukas ng gabi. Hindi lihim sa marami ang buhay na pinagdaanan ni Ogie. Marami siyang hirap na pinagdaanan para marating ang tagumpay na tinatamasa niya ngayon. Pero hindi naging madali para sa kaibigan ko ang marating ito. Ito ang naging dahilan para magkainteres sa kanyang kwento ang MMK.

Sa episode bukas, Ogie plays himself. Ang mahusay na batang komedyante na si Ketchup Eusebio ang gaganap na young Ogie. "Ang husay ni Ketchup!" sabi ni Ogie sa nakita niyang pagganap ng bata sa kanyang role. "Hindi ako nagkamali sa pagpili sa kanya. Baklang-bakla siya! Mas bakla pa sa akin!"

Hindi rin madali para kay Ogie ang umarte sa isang drama episode. "Buti na lang, I’m portraying myself. Nakaka-tense! Para akong gumagawa ng pelikula. Pero madugo talaga ang Maalaala Mo Kaya! Ang husay ni Direk Malu (Sevilla)!

Ang isa sa pinaka-interesting na parte ng buhay ni Ogie ay ang pagkakaroon niya ng asawa at anak. It would be interesting to know kung paano nabuo ang romansa niya with Georgette, ang asawa niya. Personal choice ni Ogie si Diana Zubiri para gumanap na asawa niya.

May special participation din si Tita Cristy Fermin sa episode. Si Tita Cristy ang mentor ni Ogie at instrumental kung bakit mayroong Ogie Diaz whose talent we are enjoying now.

* * *

Nakatanggap ako ng e-mail mula kay Allan Espiritu, ang founder at president ng United Friends of Marc Acueza o FUMA. Ang FUMA, according to Allan ay ang organisasyon ng mga tagahanga ng promising newcomer na si Marc Acueza. Binuo ito na naglalayong maorganisa ang mga tagasuporta ni Marc hindi lang dito sa Pilipinas kundi pati sa ibang bansa kung saan napapanood at nakikilala na rin ang batang aktor.

Bilang preparasyon sa kanilang launching, hiningi ni Allan ang tulong ng inyong lingkod para tawagan ng pansin ang lahat ng fans ni Marc. Sa December ay hangad ni Allan na mabuo na ang club. Allan has also created a webpage and a yahoogroup para kay Marc.

Ang organisasyon ay naglalayong suportahn si Marc sa mga endeavors nito, tulad ng mga shows nito na Berks, Basta’t Kasama Kita at Ang Tanging Ina at iba pang shows at pelikula.

Para sa mga detalye, pwede ninyong i-visit ang http://geocities. com/fuma092003/mypersonalpagemarc acueza.html o mag-member sa http://groups.yahoo.com/group/maracueza. Or e-mail ihanespiritu@ yahoo.com or you can text+639189123589.

* * *

Habang tumatagal ay lalo naming na-appreciate ang husay sa pagpapatawa ni Bayani Agbayani. Everyday sa Masayang Tanghali Bayan ay may bagong napapauso ang komedyante. Tulad na lamang ng latest craze ngayon, ang "Otso Otso" na bukod sa pagiging isang dance step at kanta ay isa na ring kontes sa MTB.

Ang "Otso Otso" ay ang dance step na pinag-uusapan ngayon. Talaga namang nilalagnat ang bayan sa awiting ito. Kahit ang anak ko na si Emmanuel John (who is 3 years old at mga pamangkin na sina Carmela (7 years old) at Angelo (1 year old) ay marunong mag-"Otso Otso)".

Ginagamit na rin ang "Otso Otso" sa iba’t ibang programa ngayon. Kahit sa mga acoustic lounge na pinupuntahan ko ay niri-request ang awitin. Isang gabi nga habang kasama ko ang mga kaibigan ko at nakikinig ng isang acoustic band, ni-request ang "Otso Otso". Ang nakakatuwa, prepared ang banda at tinugtog nila ito in the acoustic way. Ay, ang saya ng mga tao sa kanilang version.

Speaking of "Otso Otso" na-release na ito ng Star Records at available na in CD’s and cassettes. Kasama rin sa album ang iba pang songs nina Aiai delas Alas, Mahal, Mura at iba pa.

* * *

You cans send your reactions and comments at [email protected]