Inahas daw ni Ara ang syota ni Maureen Larrazabal

Ngayong Linggo ng hapon (4:00 pm), uusok ang balita sa S-Files. Balitang galit si Maureen Larrazabal kay Ara Mina dahil inahas umano ni Ara ang kanyang live-in partner na si Fausti Galang, isang businessman at unang nakilala noong sila pa ni Lara Morena. Pagkatapos ni Lara ay si Maureen naman ang kapuso ni Fausti, pero sinasabing inaahas naman ito ni Ara.

Ibubulgar ni Maureen ang mga bagay tungkol sa hidwaan nila ni Ara. Magsasalita rin si Dr. Vicky Belo, ang sikat na dermatologist ng mga artistang may problema sa kanilang kutis at katawan tungkol naman daw (?) sa relasyon nila ng seksing aktor na si Carlos Morales. Hindi kaya si Dr. Belo ang dahilan kung bakit napakakinis ng balat ni Carlos? Lahat nang ito sa S-Files lang huhukayin nina Paolo Bediones, Richard Gomez, Joey Marquez and Janice de Belen. — LGC