Mommy ni Regine Tolentino hindi kilala si Ate Luds

Ikinagulat ko ang reaksyon nitong mommy ni Regine Tolentino na hindi niya kilala ang Queen of Intrigues na si Inday Badiday.

"Hindi ko siya kilala as in nag-artista ang anak kong si Regine Tolentino pero hindi ko o hindi yata namin na-meet siya in person!" biglang sagot nito nang tanungin namin kung nakadalaw na sila kay Ate Luds.

"I’m sorry to say talagang hindi kami nagkaroon ng way na magka-kilala ng personal at magkausap. Kasi kahit nung may That’s Entertainment pa o kung anumang showbiz function, hindi namin siya nakakaharap.

Inakala kong nagbibiro lamang ito pero very sincere siya sa kanyang mga nasabi.

Samantala, nilapitan kami ni Regine at masayang nagbalita na ang dance group nila ng Manouvers na ginaya si Michael Jackson ang nanalo sa programa ng SOP Rules. Hindi na kami nagtataka dahil magaling naman talagang magsayaw itong si Regine Tolentino. Magaling rin siyang kumanta. Kabi-kabila nga ang offer sa kanya na mag-recording siya.

Kasali na rin si Regine sa Unang Hirit at regular host ng LG Quiz with Paolo Bediones. — BAC