Nambitin ng pelikula si Julio

Hinahanap na sa set ng pelikulang Breakwater ang premyadong aktor na si Julio Diaz. Kailangan na siyang kunan dahil patapos na ang initial presentation ng bagong movie outfit, Entertainment Warehouse, Inc..

Ang balitang ito ay nakarating sa amin thru Julio’s business manager, Tita Vera Isberto.

"Nag-aalala nga ako dahil nagpaalam sa akin si Julio na pupunta muna sa Australia at may aasikasuhing negosyo roon. Mga one month daw siyang mag-i-stay sa kapatid niyang matagal nang naninirahan sa Sydney.

"October 15 pa ang balik niya, pero tinatawagan na ako ng produksyon para i-remind si July na mag-report na sa set. Hindi naman namin napag-usapan ang tungkol sa pelikulang ito before he left. Ang alam ko, nagkaayos na sila sa schedule.

"Tila napapabilis ang trabaho ni Direk Mario O’Hara at gusto nitong matapos ang pelikula ahead of schedule. Up to this time, hindi pa tumatawag sa akin si July para malaman ko kung ano ang sasabihin ko sa Entertainment Warehouse," nag-aalalang lahad ni Tita Vera.

Also in the cast of this movie are Gardo Versoza, Lou Veloso, Dick Israel, Rez Cortez and Amy Austria. Ipinakikilala rito ang dalawang lead stars ng pelikula, sina Katherine Luna at Kristoffer King. – Ben Dela Cruz