Maui at Jordan nagpapaplastikan?

Nagkabati na pala itong sina Maui Taylor at Jordan Herrera, naganap ito sa presscon ng kanilang Bugbog Sarado sa Tapica.

Pero sadya yatang ayaw paniwalaan ng publiko. Anila, plastikan lamang ang pagbabatian ng dalawa. Naganap kasi ang pagbabati ng dalawa dahil mayroon pelikulang ipo-promote ang dalawa. Napakahirap nga namang mag-promote ng movie na may magkagalit. Magkakailangan sila sa isa’t isa. On-camera bati pero off-camera galit. Ganito ang napuna ng marami ng mag-promote sila sa SOP. Hindi mo mapapansin sa dalawa ang kanilang sincerity sa isa’t isa.

Bugbog-Sarado ang titulo ng pelikula. Bugbog Sarado rin sila sa kanilang promo kaya tuloy hindi maisingit-singit ni Maui ang taping nito para sa Maalaala Mo Kaya kung saan gagampanan nito ang true story ni Pia Moran. – BAC