Kuya Robert, paboritong art teacher sa TV

Siya si Robert Alejandro, isang mahusay na broadcast journalist at myembro ng The Probe Team pero, sa kasalukuyan ay bukang-bibig ng maraming kabataan na nahahaling manood sa kanyang Art Iskool (GMA, Sabado, 9:30 ng umaga) dahil nagagawa niyang hikayatin ang lahat ng mga manonood na ilabas ang kanilang creativity na kailangang kailangan sa kanilang mental development.

Kung ako na wala ni ano mang higing na pwedeng mag-drawing ay nagulat na lamang nang isang araw ay magawa ni Kuya Robert na ilabas ko ang aking talino sa pagguhit. At kung ako ay na-excite sa napakaikling panahon na ginugol niya sa ilan sa aming entertainment writers, gaano pa kaya ang mga kabataan na wala pang muwang sa kung anong talino mayro’n sila? At sa tulong ni "Kuya Robert", sa kanyang masusing paggabay sa kanila, madidiskubre nila ang mga talino nila.

Sa Art Iskool, ginagabayan ni Kuya Robert ang mga manonood niya, ang mga istudyante sa pamamagitan ng series of segments like "Hirit Bulilit", "Ibang Klase" na kung saan ay lumalabas siya ng istudyo para magturo ng art sa mga kabataan from all walks of life, "Kuwentong Kinuwadro", "Sining Sikat", "Subukan N’yo" at marami pang iba.

Para sa isang tao na ang pagharap sa kamera ay itinuturing niyang isang bangungot, nakakaramdam na ng fulfillment si Kuya Robert sa kanyang pagtuturo sa TV ng art sa pamamagitan ng Art Iskool.

* * *

Kung kailan wala na silang relasyon ay saka pa nagawang aminin ni Onemig Bondoc ang naging relasyon nila ni Ciara Sotto, sa presscon ng Buttercup, ang kanilang lingguhang serye sa ABS CBN na nagtatampok din sa cast ng pinaka-maningning na artista na tulad nina Claudine Barretto, Piolo Pascual, Carlos Agassi, Diether Ocampo, Assunta de Rossi at marami pa sa direksyon ni Wenn Deramas.

"Sayang nga dahil eight months lang tumagal ang relationship namin, siguro dahil bata pa kami nun, mga 17-18 lang ako. Syempre mas bata pa si Ciara.

"We’re okay now, and just like before. I feel responsible for her, para niya akong tatay na sinasabihan siya pag-feel ko, di bagay ang suot niya o kung ang kilos niya ay di maganda. I don’t mind kahit tinutukso kami. I just feel responsible for her," dagdag pa ni Uno na nalalagay na naman sa kontrobersya di lamang dahilan sa pagpayag niya na lumabas ng isang gay sa Buttercup kundi sa pangyayaring isang obsessed woman na dating employee niya ang nagkakalat ng masamang mga balita tungkol sa kanya.

"Ayaw ko siyang patulan. I know she just wants to get back at me kaya tuwing may issue sa akin, lumalabas at lumalabas siya. Alam ko rin na babalik-balikan niya ako pero, nakahanda ako. Friends and family tell me to stop her dahil baka marami raw ang maniwala pero, I know truth will prevail."

The fact na magkakaroon sila ng kissing scene ni Carlos Agassi sa Buttercup ay hindi nakakapaapekto sa kanilang dalawa. "Pareho naman kaming lalaki, walang mawawala sa amin," sabi niya.

* * *

Mula sa pagiging Original Ortaleza and Vaciador na nagbi-benta ng mga beauty products and salon supplies, ngayon ay HBC Home of Beauty Exclusives na rin ang Hortaleza Beauty Center na mayroon nang walong mga sariling produkto tulad ng Implements na gumagawa ng mga beauty tools; Body Recipe, isang complete line ng natural skin products; San-san , ang cosmetics at nail polish line ng HBC; Just BUG (Just Between Us Girls!) Colognes, isang teen line of cologne ; Hortaleza Professional, complete line of haircare, nailcare at equipment; Vitasoft, complete line of baby products at OHM, personal care products for men.