Aiko pinatatakbo sa kongreso ni Bistek

Malaki ang posibilidad na matuloy si Konsehal Aiko Melendez na tumakbong kongresista sa Ikalawang Distrito ng Quezon City, ang lugar na nasasakupan ni Congressman Chuck Mathay, ama ni Ara Mina.

Siniguro ito ni Vice Mayor Herbert Bautista pero binuwelta naman kaagad ito na hindi maganda na magbanggaan ang dalawa ng dahil lamang kay Jomari Yllana.

Aniya, sincere si Aiko sa hangarin nitong tumakbong Kongresista para sa District 2. Pero may ilang mga nagsasabi na dapat sa halip na si Cong. Mathay ang tumakbo, bakit hindi ang anak na lamang nitong si Ara Mina ang patakbuhin? Kung nagkataon, tiyak na aabot sa kongreso ang banggaang Aiko at Ara Mina. — BC