Keka nasa Bida si Mister

Isang masayang party ang naghihintay para sa mga fans ni Cesar Montano ngayong Lunes, August 4, dahil magsi-celebrate ng birthday si Cesar at ang kanyang TV alter na si Buboy Magtanggol sa Bida si Mister, Bida si Misis ng ABS-CBN. At siyempre, kakaiba rin ang special guest sa salu-salong ito ang nangungunang bandang Parokya ni Edgar at ang seksing si Katya Santos.

Pagkatapos magmakaawa ng pinsan niyang si Chito (Chito Miranda ng Parokya ni Edgar) pumayag si Buboy na patirahin at ang kanyang mga kabanda sa bahay nila ng asawang si Mary (Maricel Soriano), at least hanggang ma-approve ang application nilang pumunta sa Japan. Sa kasawiang palad, hindi "vibes" sina Mary at Chito at ang kanyang mga ka-banda, dahil sa hindi marunong makisama ang mga baguhan. Ang ingay pa nila.

Bagamat nagtitimpi na si Mary dahil birthday ng kanyang asawa, nahahalata ni Buboy na malapit nang malagot ang pisi ni Mary, kung kaya’t nag-volunteer siyang umaasikaso ng mga papeles ng Parokya sa placement agency nila. Ma-inspire kaya siya pag malaman niyang ang may-ari ng agency ay si Katya? O mauunahan ba ng init ng ulo ni Mary bago pa man makahirit ng "Mr. Suave" ang Parokya boys?

Maki-birthday kay Buboy ngayong Lunes, August 4, sa Bida si Mister, Bida si Misis ng ABS-CBN.