Singer, nakipag-bangayan sa airport

Tatlong beses nang nagtutungo ng ibang bansa ang sikat na female singer sa tulong ng isang anak ng produ. Okey noong una ang bayad na tinatanggap ng singer sa anak ng produ na tumatayong agent nito.

Lately, nag-aaway na sila. Hindi sila magkasundo sa halaga ng talent fee ng singer at mga tip na tatanggapin nito.

Ang ending, sa eroplano pa lang pabalik ng bansa ay nag-aaway na ang dalawa tungkol sa pera. Nakababa na sila ng airport ay nagtatalakan pa rin. Nang sumakay na sa kanyang van ang singer ay nag-dirty finger pa ito sa lady agent niya na naging karelasyon ng isang sikat na aktor.

Kontrobersyal ang lady singer at di nawawalan ng intriga lalo na sa personal at family life.

Julia, Di Na Kakabit Sa May-Asawa

Naging very vocal si Julia Lopez tungkol sa kanyang personal na buhay. Inamin nito na ipina-ampon siya ng kanyang mga magulang sa mayamang mag-asawa. Labindalawa silang magkakapatid kaya hirap noon sa buhay.

Seven months lang siya nang ipaampon at itinuring na parang tunay na anak ng kanyang ama-amahan na nasa Australia at ang kanyang ina-inaahan na isang executive ng bangko.

Nakakagulat ang kanyang investment dahil may apat itong sasakyan-dalawang trooper, isang BMW at isang black Ford. Bukod pa rito ay may negosyo siya sa Cebu na kinabibilangan ng rice mill, convenience store at gulayan. Mayroon din itong condo sa Wack-Wack na nagkakahalaga ng P3.5M na balitang regalo ng kanyang mayamang boyfriend na may asawa na naloka sa kanyang alindog. May dalawang anak ang kanyang bf at mahal ang pamilya kaya nakonsensya din ang aktres sa dakong huli.

Pero ngayon ay hiwalay na rin ito sa kanyang asawa.

"Isinusumpa ko na never akong kakabit uli sa isang married man. Mahirap talaga dahil may nasisira akong pamilya at nasasagasaang mga tao. Ngayon nauntog na talaga ako at hinihintay ang tamang lalaki para sa akin. Malapit na ang birthday ko kaya ang wish ko ay matagpuan ko na sana ang aking dreamboy," sey ni Julia.

Korina, Tulay Ni Kris

Inamin ni Kris Aquino na talagang gusto niyang maging hipag si Korina Sanchez. Umaasa pa itong magkabalikan ito at si Congressman Noynoy Aquino.

Magkasundung-magkasundo ang dalawa na nakatulong para maging top-rating ang Morning Girls. Si Korina rin ang ginagawa niyang tulay para magkasundo uli sila ni Noynoy. Katunayan, ni-request niyang itong imbitahin sa kanyang kapatid para maging guest nila sa programa.

Anne, Payag Makipag-Kissing Scene Kung Si Aga Ang Partner

Naiintrigang playgirl si Anne Curtis dahil ilan na ang mga na-link sa kanya gaya nina Oyo Boy Sotto, Brad Turvey, Lucky Manzano at kahit ang commercial model na si Derek Ramsey.

pero ang talagang crush niya ay si Aga Muhlach. Hand ana siya sa mga mature role at inaming payag siyang magkaroon ng kissing scene basta’t si Aga ang kahalikan. Nakalinya na ang pelikula nito sa Viva Films katambal si Aga kaya excited na ang young actress.

Gusto rin niyang maging Dyesebel kaya lang ang problema ay hindi niya kayang mag-topless. Hindi pa kasi siya handang magpakita ng boobs.