Aiai, ayaw sa hulang maaaksidente siya

Napabilang si Aiai delas Alas sa mga showbiz personality na hinulaan ni Jojo Acuin. Na-publish ito sa isang tabloid noong Hulyo 7, 2003. Sinabi ng manghuhula na maaaksidente’t maho-hospital siya.

Isang mental anguish ang naramdaman ni Aiai simula nang lumabas ang naturang hula. "Dapat di sila naglabas ng ganoon hindi lang mental anguish ang naramdaman ko ngayon kundi dahil na rin sa trauma na nararanasan ng mga taong concerned. Hindi naman sila Diyos para magsasabi ng ganito."

Malaking distorbo sa komedyante ang nangyari dahil isa-isang nagtatawagan ang lahat ng kanyang mga kaibigan at nagpasalamat naman ito dahil marami siyang mga kaibigan at ilan sa mga ito ay ipinagdasal pa siya para sa kanyang kaligtasan. Ang naging positive sa naging hula sa komedyante ay nabigyan siya ng babala na mag-ingat sa lahat ng kanyang ginagawa. –AD