May bagong nightingale

Sa wakas napatunayan na rin ng Muggles’ Federation of Music-loving Hapless Romantics and Neurotics na sa sandaling marinig mo ang tinig ng newest singing darling ng Vicor Music, tiyak na hindi mo na siya makakalimutan. Well, maliban sa sultry voice ni Trisha Sephora na nagbigay ng sweeter dimension sa "Can’t Stop Loving You" ni Stacey Lattisaw nakakahalina ring tignan ang kanyang Syrian-Filipino beauty (na binigyang patunay ng kanyang pangalang Sephora, na "pretty" sa Hebrew). At hindi lang ‘yan, she’s only 20 years old... very much available, and is still finishing college.

Ang kanyang self-titled CD ay kinababaliwan sa mga record bars dahil sa kakaibang twist of pop and style ni Trisha. Muling bibigyang hugis ang salitang love ng kanyang mga orihinal na awiting "Kailan Mo Sasabihin", "Pangarap," "Habang Wala Ka Pa", kasam ang kanyang komposisyong "Someone". Maganda rin ang feedback sa airwave ng kanyang bersyon ng mga classic hits "Baby Love", "Para Kang Komiks... Para Kang Sine". Huwag ng pahuli at hayaang maenganyo ng tinig ni Trisha ngayong Lunes at Martes kasama ang Kool DJs, 7:30 sa trendsetter show ng ABC 5, ang radio-on TV Kool on Kam.