Aiai ayaw makasama si Goma sa movie

Hindi pa rin humuhupa ang sama ng loob ni Aiai delas Alas kay Richard Gomez at sa mga taong kumwestyon sa kanyang box-office appeal. Inihayag ni Aiai ang kanyang sentiments nang mag-guest ito sa The Buzz noong Sunday. The said guesting is Aiai’s way of thanking all the people who made her movie, Ang Tanging Ina a box-office success. Bukod sa Star Cinema, pinasalamatan ni Aiai ang kanyang mga naging katrabaho, press at ang moviegoing public.

Aiai was asked kung ano ang naging reaksyon niya sa comments ng ibang kasamahan sa industriya questioning her box-office appeal.

"I respect their opinion," kaswal na sabi lang ni Aiai. Bumuwelta ang bagong box-office queen when asked kung willing ba siyang makasama si Goma sa isang pelikula. "Hindi!" ang sagot nito. "Sana i-respect din nila ang opinyon ko," dagdag na pahayag nito.

* * *

May word war ngayon sina Lorna Tolentino at Dina Bonnevie apparently sa isyu ng panunulot ng role sa pelikulang Mano Po 2. Reading between the lines ay mapi-feel mo na naaapektuhan na ang dalawa ng kani-kanilang pahayag. Napanood ko si Lorna sa Showbiz Sabado at itinanggi nito na sinulot niya kay Dina ang role. Dina naman already said her piece.

Ang di alam ng marami, ang role na pinag-agawan nina Dina at Lorna ay unang ini-offer kay Kris Aquino. For some reasons ay hindi ito tinanggap ni Kris. Kaya napunta ito kay Lorna.

Kung ang feeling man ni Dina ay nasulot sa kanya ang isang project, tiyak na happy na rin siya lalo’t siya ang maituturing na isa sa mga bida sa pelikulang Moral Ngayon under Star Cinema. Makikipagtagisan siya ng husay sa mga equally-seasoned performers like Eula Valdez, Cherrie Pie Picache at Jean Garcia. Si Marilou Diaz-Abaya ang direktor ng movie.

Still on Lorna and Dina, nawa’y hindi na humaba pa ang isyung ito ng sulutan. Both Lorna and Dina are two of the best actresses we have in the industry.

* * *

Nagpi-pay off na ang hardwork ni Star Circle 11 member na si Brian Tan. Sunud-sunod ang mga projects na ginagawa ngayon ni Brian. Kasama na siya sa cast ng Basta’t Kasama Kita at Tabing Ilog. Isa si Brian sa additional cast ng Tabing Ilog along with fellow Star Circle member Paolo Paraiso.

Aminado si Brian na kakaiba ang showbiz kumpara sa fashion world kung saan siya nagsimula. But he admits na nagi-enjoy siya sa kanyang bagong mundo.

"I will still remain a model," wika nito.