Regine, Lander balikan na

Hindi man tuluyang inamin ni Regine Tolentino na nagkabalikan na sila ni Lander Vera Perez, makikita naman silang magka-eksena sa isang romantic set-up na may kissing scene pa sa Ispup, Linggo, 7 p.m. sa ABC 5.

Well, the truth of the matter is, gumaganda ang career ng dalawa mula nang mapabalitang sila ay naghiwalay. Mas nagiging sexy si Regine sa kanyang mga dancing stints at abala ngayon ang aktres sa pagpo-promote ng kanyang Filmfest entry, Bertud kung saan makaka-kissing at bed scene niya si Bong Revilla sa unang pagkakataon.

Siyempre, pinaalam naman ito ni Regine personally kay Lander out of respect diumano sa ama ng kanyang dalawang anghel. Dagdag pa ng aktres, magkaibigan pa rin daw sila ni Lander at hindi niya winawalang-bahala ang posibilidad na magkabalikan pa sila sa hinaharap.

Sa kabilang banda, masigasig naman itong si Lander sa pagsasaayos ng kanyang career. Tinigilan na raw niya ang kanyang pagkahumaling sa sabong at kasalukuyang nagbalik ito sa pag-aaral.