Emilio naging asawa ni LT

Isang karangalan para kay Emilio Garcia ang makapareha ang isa sa mahuhusay at de-kalibreng aktres sa industriya na si Lorna Tolentino sa programa ng ABS-CBN, Maalaala Mo Kaya (napapanood tuwing Huwebes). Ang ispesyal na episode na ito ay napanood kahapon kung saan ang istorya naman ng beauty expert na si Elvie Lobangco ang isinalarawan, ang sikat na ina ng magkapatid at kasamahan sa industriya na sina Rachel at Lani Lobangco. Si Emilio ang gumanap na mapagsamantalang asawa ni Elvie.

Samantala, abala rin si Emilio sa kanyang movie projects. Sa kasalukuyan, ginagawa niya ang Rice Mill (Kiskisan) kasama sina Gardo Versoza, Ana Capri, Anita Linda, Mona Lisa sa ilalim ng direksyon ni Joven Tan at ang Bellas kasama sina Mark Anthony Fernandez at Gary Estrada sa direksyon ni Joe Carreon at sa produksyon ng Violett Films.