Aiai delas Alas, may 10 anak sa 3 asawa

Napaka-swerte ni Aiai delas Alas, binigyan siya ng major movie ng Star Cinema na pang Mother’s Day presentation. Ito ang Tanging Ina, tungkol sa pagpupunyagi ng isang ina na mabigyan ng kaginhawahan ang kanyang mga anak.

Nag-asawa ng tatlong ulit ang character ni Aiai, mga magagandang lalaki na hiniwalayan siya. Sampu ang naging anak niya sa mga ito at sa pamamagitan ng iba’t ibang trabaho ay tatangkain niyang buhayin ng maayos.

Gumaganap ng asawa ni Aiai sina Edu Manzano, Jestoni Alarcon at Tonton Gutierrez.

Mga anak naman niya sina Marvin Agustin, Nikki Valdez, Heart Evangelista, Carlo Aquino, Marc Acueza, Alwyn Uytingco, Shaina Magdayao, Jiro Manio, Serena Dalrymple at Yuki Kaduka. Direksyon ni Wenn Deramas.