Tracy Torres, panalo sa takilya

Walang kaduda-duda na panalo sa takilya ang Punla, ang pelikulang pinagbibidahan nina Emilio Garcia at Tracy Torres! Masayang-masaya ang Leo Films dahil pinatunayan lang na may magic si Emilio sa box-office, especially kung baguhan ang itatambal sa kanya. Si Emilio nga ang taga-‘binyag’ sa kanila sa takilya. At walang kaduda-duda din na tanggap si Tracy ng mga movie-goers. Si Tracy na nga ba ang bagong sex goddess ng pelikulang Pilipino? From the looks of it ay siya nga talaga! Pinag-uusapan ang babaeng ito sa lahat ng sulok ng Pilipinas. Bukod sa pagiging reyna ng mga itlog, binansagan pa siyang Pictorial Queen at Gimmick Queen. Ngayon, pwede na rin siyang tawaging Takilya Queen. Pinaplano na ngayon ang follow-up movie ni TT (Tracy Torres)!