Ciara nasa ABS-CBN na!

Hindi mapalalampas ni Abby Niesta, coordinator ng Berks’ mall tour ang pananakit na inabot niya mula sa isang staff ng audio services ng SM Bicutan noong Sunday. Ayon sa kuwento sa amin ni Abby, umpisa pa lang ay nagpapakita na ng pagiging unprofessional ang said audio staff.

"Part of my job is to make sure na naka-cue na ang lahat ng audio materials ng show. From minus one, cd or md. No’ng ina-approach ko na ‘yung taga-audio, he wasn’t paying attention to me. Ni hindi niya ina-acknowledge kung malinaw ba ‘yung instructions ko. Sigurista ako pagdating sa audio dahil diyan nakadepende ang buong show. So tinanong ko siya kung malinaw ba ‘yung instructions ko, he started raising his voice."

"No’ng nagkasagutan na kami, isang kasamahan niya ang lumapit and started yelling at me. Sumali na rin ito sa discussion. Kinuyog na ako ng mga kasamahan niya na puro lalake and helpless ako kaya nakipagsigawan na rin ako. Kailangan ko ring i-defend ang sarili ko. When finally, isang kasamahan nila, eh out of the blue grabbed me and na-ripped off ‘yung shirt ko. Nagulat ako kasi out of the blue eh may nakialam na kung sino at sinaktan pa ako. Hindi ko ‘yun mapapalampas," kuwento ni Abby.

Nagkaroon ng commotion sa said area dahil sa uncalled for behavior ng audio staff. Immediately, dumating ang security forces and Abby was requested to file complaints sa ginawa sa kanya.

Mukhang mahinang klaseng audio services ang nakuha ng SM Bicutan. Hindi sanay sa mabilisang trabaho. In fairness to Abby, who is a veteran of mall shows sa iba’t ibang Metro Manila malls, pulido itong magtrabaho at maaasahan.

Kaya tinatawagan ko ng pansin ang management ng SM Bicutan. Wala silang karapatan na manakit ng kahit na sino sa kanilang mga nakakatrabaho. Kung nagawa nila ito kay Abby (who works in the production), sa ibang tao pa kaya?

Abby plans to bring the case to higher courts para ipamukha sa salarin na wala siyang karapatang saktan ang sinuman.

* * *

Ciara Sotto is now officially part of the ABS-CBN Talent Center Family. Kamakailan ay nakipag-meeting na si Ciara with the Talent Center bosses. Last year pa nababalitang magiging kapamilya na si Ciara ng Talent Center but it was only before Holy Week nag-materialize ito.

Next week ay inihahanda na ang isang formal announcement ni Ciara bilang Talent Center artist.

Bilang paunang projects, makakasama si Ciara sa bagong weekly drama ni Claudine Barretto na magsisimula ngayong May. Bida rin dito sina Assunta de Rossi. Of course, weekly ay napapanood na rin siya sa ASAP Mania bilang isa sa mga performers and hosts.

With blessings nina Senator Tito Sotto and Helen Gamboa ang pagpirma ni Ciara sa Talent Center.

Sa mga nagtatanong kung magiging magka-loveteam ba sina Ciara Sotto at John Lloyd Cruz sa ABS-CBN, mukhang imposible ito dahil may mga sarili nang programa ang binata at may ka-loveteam na ito in the person of Bea Alonzo.