Pumayag mag-bold si Ace

Isang araw ay nakasama ako ng ilang mga reporters na dumalaw sa shooting ng Masamang Ugat ng Viva Films na ginawa sa Philippine Expo sa Clark Field, Angeles City.

Bida rito si Ace Vergel na gwapo pa rin kahit medyo mataba siya. Sa totoo lang, bata pa lamang ay kilalang kilala ko si Ace sampu ng kanyang pamilya.

Ikinuwento niya na sa pelikula ay magkakaroon siya ng bold scene. Isa ito sa highlight ng movie na kung saan ay dinilaan ang buo niyang katawan, maging ang kanyang mga daliri ng Hot Babes na si Gwen Garci. Medyo nahihiya raw siya na gawin ito pero, ipinaliwanag sa kanya ni direktor Willy Milan na kinakailangan ito sa eksena kaya pumayag siya. Sinabi pa ni Ace na sa tinagal-tagal daw niya sa pelikula ay ngayon lamang niya nagawa ang ganitong eksena.

Anak si Ace ni Eddie Garcia sa movie na isang drug lord. Kapatid niya sina Mikey Arroyo at Victor Neri. May anak si Ace sa movie, na ginagampanan ni Vanna Garcia.

Sa shooting nakilala ko ang boyfriend ni Vanna na nagngangalang Martin. Sixteen years old si Vanna at 19 naman si Martin. – Virgie Balatico