Jules Ledesma idedemanda ang ina ni Assunta

Happy ang staff ng S2 (Showbiz Sabado) dahil in 2 weeks ay nag-number one sa ratings ang nasabing showbiz-oriented talk show nina Cristy Fermin, Alfie Lorenzo at Edu Manzano. Tinalo ng S2 ang mga existing talk shows sa telebisyon, including that of GMA’s Startalk and S Files. Hindi na rin kataka-taka ang lakas ng viewership ng S2 dahil sa explosive nila tuwing Sabado. Sa nasabing show unang lumalabas ang mga exclusive interviews at scoops sa showbiz. Tulad ng special friendship nila Jordan Herrera at Jojit de Nero at ang pagbubunyag ng isang taong totoong nakakilala sa pagkatao ni Sunshine Dizon.

Ngayong Sabado, mgsasalita si Congressman Jules Ledesma sa balitang demanda niya sa ina ni Assunta de Rossi na si Net de Rossi. Tungkol ito sa isyung hindi na-remit ng ina ni Assunta ang halagang P3 million.

Muling nanganak ang ampon isyu kay Sunshine dahil isang kilalang personalidad ang nagpapatunay sa ampon isyu. Isang sikat na singer ang aamin finally na isa na siyang ama.

Gusto naming bigyan ng credit ang mga tao sa likod ng S2 bukod sa hosts nito. Sina Direk Arnel Natividad, Deo Endrinal, Ian Reyno, Rissa Afable-Calinawan, Freddie Bautista, Rigl Bumagat, Michelle Riano at iba pa.

* * *

Sa April 6 ang balik ni Claudine Barretto mula sa halos isang buwang bakasyon sa Canada. Sa kanyang pagbabalik, maraming trabaho ang nakatakdang simulan ng aktres. Una ay ang pagiging regular host niya ng ASAP Mania na magsisimula ngayong Sunday.

Nakatakdang simulan ni Claudine ang isang weekly drama show. Pahinga muna si Claudine sa soap opera. Pero ang balita namin, star-studded ang cast ng bagong weekly series ni Claudine. This is something new para sa mga tagahanga ni Claudine na limang taon sa soap opera. Isang bagong movie din ang nakatakdang simulan ni Claudine under Star Cinema.

Come April 10 ay a-attend si Claudine ng coronation ng Box-office King & Queen kung saan sila ni Aga Muhlach ang recipients ng top awards ng Guillermo Mendoza Memorial Scholarship Foundation.

Claudine will also ba launched as the new Maxi-Peek Girl along with Kristine Hermosa. Nakatakda sanang magkaroon ng media launch ang nasabing commercial ni Claudine and Kristine, pero hindi ito natuloy dahil umalis nga siya ng bansa.

* * *

Isang bagong group ang ilo-launch ng ABS-CBN. Ito ay ang Anim-e, a group of 6 promising and young boys a mapapanood sa isna gbagong show ng ABS-CBN. Ang Anim-e ang kinabibilangan nina Emman Abeleda, Rayver Cruz, John Wayne Sace, Sergio Garcia, Mhyco Aquino at Mico Aytona. Bukod kay Mhyco, ang limang boys ay dating mga child actors na ngayon ay binata na.

Ang pagbuo ng Anim-e ay paraan ng ABS-CBN Talent Center para sa patuloy na pag-discover ng mga bagong mukha. Matatandaan na nagkaroon na rin ng ilang boy group ang ABS-CBN noon tulad ng Koolits, Basketbolista, JCS na ngayon ang mga binata na at may kanya-kanya nang career.

Nag-undergo ng masusing training ang Anim-e on singing, acting , dancing, hosting at personality development.

Ang Anim-e ay mapapaood na sumasayaw, kumakanta at umaarte sa pelikula, telebisyon at commercials. Mapapanood silang anim ngayong Sunday sa ASAP.