Mga matagumpay na Pinoy sa Japan!

Sa ika-anim na pagkakataon, muling dinumog ng ating mga kababayan sa Tokyo, Japan ang major concert ng Side A nung nakaraang Linggo, March 16, 3:00 pm na ginanap sa Tokyo Kouseinenkin Kaikan Hall kung saan naging special guest nila sina Piolo Pascual, Dingdong Dantes at ang comic diva na si Marissa Sanchez. Ang nasabing concert ay produced ng IPS, Inc. na siya ring nagdala sa Side A sa kanilang unang limang naunang concert sa Japan.

Ang nakaraang concert ay may kinalaman sa pinakabagong prepaid card sa Japan, ang Access Plus na isang one-stop-shop prepaid card at isa sa mga produkto ng IPS, Inc. na siya ring kumuha ng serbisyo nina Richard Gomez at Aga Muhlach and lately kina Piolo Pascual at Troy Montero bilang mga product endorser.

Bukod sa Side A, nadala na rin ng IPS sa Japan sina Ariel Rivera, Jaya, South Border, Regine Velasquez, Richard Gomez, Pops Fernandez, Troy Montero, Janno Gibbs, Jennifer Mendoza, Richard Reynoso at second time na ito bale ni Piolo who was also with Side A nung nakaraang taon kasama sina Pops at Troy.

Sa concert ng Side A last Sunday, dumating si Marlene dela Peña, ang kauna-unahang Filipina singer na naging superstar sa Japan. Kasama ni Marlene ang kanyang American husband na si James. Dumating din ang singer-turned successful businessman (now married to a Japanese businesswoman), si Bobby Valle na sa kabila ng kanyang pagiging busy ay nagkaroon ng oras para sa amin ng ating kasamahan na si Nestor Cuartero. Naroon din sa audience ang ilang opisyales at staff ng Philippine Embassy sa Japan at ang country manager ng Philippine Air Lines na si G. Bong Velasquez.

Sayang at huli na namin nalaman na naroon din pala sa Tokyo sina Joed Serrano, Matet at Luis Alandy for a series of club shows.

While in Japan, hinanap din namin ang aktres na si Ruby Moreno na naging sikat din noon sa Japan bilang aktres pero hindi namin ito nahagilap dahil paiba-iba ito ng address sa Japan.

Tulad nung mga nakaraang concerts ng Side A sa Japan, tagumpay muli ang kanilang huling concert. Kwela rin sa audience si Marissa Sanchez at hindi rin nagpahuli ang dalawang heartthrob na sina Piolo at Dingdong na parehong flattered na makatrabaho ang premiere band ng Pilipinas, ang Side A.

Dapat sana’y magkasabay na babalik ng Maynila ang Side A, Dingdong at Marissa nung March 17 (Lunes) pero nag-extend ng isang araw ang Side A dahil nagkaroon sila ng side show sa Side A Club (named after Side A) at Steps Disco na pag-aari ni G. Hisaya Hiratsuka na big fan ng grupo. Nag-pictorial din sa Japan ang Side A with ace photographer Jun de Leon. Nag-extend naman si Piolo hanggang kahapon (March 20) dahil nag-accommodate rin ito ng side show. Ang kapatid ni Piolo na nakabase sa LA na si Patricia Ann ay sumunod kay Piolo sa Japan. Syempre pa, kasama ng Side A ang kanilang manager na si Wyngard Tracy, kasama naman ni Marissa ang manager niyang si Nestor Cuartero habang si Perry Lansing naman ang kasama ni Dingdong. Nakasama rin ng tropa ang skin specialist na si Dr. Jonathan Dizon, who had a grand time sa Japan kahit limitado ang oras.

Palibhasa’y trabaho ang aming ipinunta sa Japan, hindi na namin napaunlakan ang ilang imbitasyon sa amin nina Marlene dela Peña at ng aming businesswoman-friend na si Myrna Nakata ng MRN International. Nagbigay din naman ng despedida dinner hosted by IPS big boss, Koji Miyashita.

Sa totoo lang, bitin talaga kami sa aming four-day trip sa Japan lalo pa’t hindi man lamang kami nagkaroon ng oras na puntahan ang aming favorite shopping places.

Ibig ko nga palang pasalamatan ang aming kaibigang si Bobby Valle who always find time for us whenever we are in Japan sa kabila na super busy din siya sa kanilang negosyo. Isa si Bobby sa matagal na naming kaibigan na hindi nagbago sa kabila ng kanyang pagiging isang successful businessman.