Bakit maghuhubad kung puwedeng kumanta!

Hindi aakalain ni Sharmaine Santiago na kung kailan rumaratsada ang kanyang singing career ay saka pa siya naging regular sa soap opera na Ang Iibigin Ay Ikaw topbilled by no less than the country’s finest actors, Christopher, Richard, Alice, Barbara, Lani, Rufa Mae, Rio under the able direction of Bb. Joyce Bernal from the script of Gina Marissa Tagasa.

Ginagampanan ni Sharmaine ang role ng scheming daughter of Jackielou Blanco. Salbahe siya pero hindi naman salbaheng-salbahe dahil mabait siyang anak kay Jackie.

Exact opposite ni Sharmaine ang ginagampanan niyang role. Hindi naman siya nagbibisyo, ang paninigarilyo ay sa harapan lamang ng TV screen niya ginagawa. Hindi rin siya umiinom, at kung nagdadamit man siya ng sexy, ito’y sa dahilang hinihingi ito ng kanyang trabaho bilang isang singer. Pero, seksi man ang attire niya, hindi ito ang unang umaagaw sa pansin ng mga nakakapanood sa kanya kundi ang maganda niyang mukha at ang talino niya sa pagkanta.

May offers din sa movies si Sharmaine, pero pawang mga bold roles. Wala naman siyang masasabi against sa mga bold stars, pero hindi kaya ng powers niya na maghubad, kakanta na lang siya.

Beterana ng programang Best Frends si Sharmaine, kaya naman ganun na lamang ang pasasalamat niya kay German "Kuya Germs" Moreno who started her in showbiz.

For a time, nang mawala ang Best Frends sa ere ay tumaba siya kaya marami ang nag-akala na baka katapusan na yun ng kanyang career. It wasn’t.

She came back several pounds lighter, more beautiful and more seasoned as a performer.

Currently, bukod sa pagiging regular sa programang Ang Iibigin ay Ikaw na kung saan ay nagsisimula na siyang mapansin bilang aktres, co-host pa rin siya ng Master showman Presents, isang trabaho na hindi niya pinababayaan at pinangangalagaan ng husto bilang paglingon sa host nito na nagbigay ng malaking bahagi sa tinatamasa niyang tagumpay ngayon.

*****

May problema ba kayo sa balat at di nareremedyuhan ng napakaraming cream na inyong ginagamit? Dapat kayong magsaya. Maaari nang matapos ang matagal n’yo nang suliranin sa balat.

Sa pamamagitan ni Dr. Zein Obagi, isang bantog na dermatologist at may gawa ng Obagi Blue Peel at Obagi Skin Health Restoration System.

Hindi ito tungkol sa balat, tungkol ito sa kalusugan ng balat na hindi naibibigay ng mga gamot at cream na nabibili sa mga tindahan. Marami sa mga ito ay hanggang sa panlabas na balat lamang, di umaabot sa ilalim, below the cellular level. Ang sakit na ito ay nangangailangan ng superbisyon ng isang doktor, ng isang dermatologist. Kamakailan ay inilunsad ang Obagi Circle of Friends, isang grupo na binubuo ng mga pasyente ng Belo Medical Group na nakasubok na ng Obagi Skin Rejuvenation System. Ang mga myembro nito ay binibigyan ng mga benefits tulad ng diskwento sa mga produkto ng Obagi, libreng serbisyo sa mga klinika ni Dr. Vicki Belo, at imbitasyon sa mga sosyalan na may kinalaman dito.