Lucy Torres, inabutan na si Charlene Gonzales

Mula sa Orlando, Florida, dumating sa bansa si Dr. Erikk Cruz. Sa Miami na kasi based ang bantog na vocal coach at padalaw-dalaw na lang siya sa Pilipinas dahil bukas pa rin ang kanyang Sing! Vocal Power Institute sa may Quezon Avenue, Quezon City.

Sa Amerika ay napa-copyright at patented na ang kanyang na-introduce na newest technique in singing na tinawag niyang "speech level kind of singing." Simple lang ang paraang ito at kahit sino, maging ang mga hindi marunong kumanta o takot kumanta ay madaling matutuhan.

Si Dok Erikk ay author ng librong "Singing Techniques For Really Hopeless Singers." Sa aklat na ito ay tinalakay ang iba’t ibang madaling paraan upang madaling intindihin at matutuhan.

Sa Florida ay binuksan na rin ni Doc Erikk ang Sing! Vocal Power Institute. Nagbigay ng dalawang recital sina Doc Erikk at kanyang mga students doon na pawang well-acclaimed. Kaya’t pagbalik ni Dok Erikk sa USA, maaaring magbukas na siya ng Sing! Vocal Power Institute sa Los Angeles at sa San Francisco, California.

Balita na rin kasi sa West Coast ang galing niya bilang voice teacher, kaya’t maraming tagaroon ang gustong magpaturo sa kanya.

Ang gagawin niya ay mag-train muna ng mga instructors upang maging vocal teachers sa iba’t ibang branches niya roon.

Pagdating ni Dok Erikk sa bansa, na ang balak niya ay magbakasyon lang, hindi rin siya nakapagpahinga dahil sa rami ng gustong matuto ng kanyang singing technique.

Ngayon ay mga istudyante niya ang Sex Bomb Girls, Masculados at Power Boys. Sabi ng mga grupong ito, kahit ilang araw pa lamang sila sa training ni Doc Erikk, malaki na ang naging improvement ng kanilang mga live performance at talagang nailalabas na nila ng husto ang kanilang mga singing voice.

Bago umalis papuntang Amerika si Doc Erikk ay naging vocal coach siya ng ABS-CBN Talent Center at na-handle niya ang Star Circles batch 5, 6, 7, 8 and 9. Ilan naman sa mga individual artist na naturuan niya ay sina Luke Mejares, Heart Evangelista, Zoren Legaspi, Redford White, The Cherries, Cherry Lou, Von Arroyo, Diwata, Alma Concepcion, Nini Jacinto, Jay Cayuca, Kier at Brandon Legaspi, Angelica Panganiban, Marco Ballesteros at Christopher de Leon.

Sa mga celebrities na gustong magkaroon ng sample ng kanyang singing technique, magkakaroon ng free singing seminar on March 8 and 9 sa Sing! Studio sa Quezon Ave. First come-first served basis. Limited lang ang tatanggapin sa nasabing libreng seminar. Tawag agad kay Doc Erikk sa 09163296913.

* * *

Second episode pa lamang ng All About ni Lucy Torres-Gomez sa GMA noong Linggo, 11:30 a.m., nilampasan agad nito ang rating ng Feel At Home ni Charlene Gonzales na higit na matagal na sa ere.

Last Sunday ay nakakuha ng 12% rating ang bagong lifestyle magazine show ni Lucy kontra sa 9% lang ng palabas ni Charlene. Tiyak this Sunday, higit na marami pang manonood kay Lucy.

* * *

Merong re-launching ang children’s book na sinulat ni Michelle Van Eimeren-Alcasid, Today, sa Powerbooks Specialty Store sa Megamall at 3 p.m.

Siyempre nandoon si Michelle at magkakaroon ng storytelling ng kanyang librong "Butterfly". Kaya ang mga mother, dalhin ang inyong mga tsikiting sa Powerbooks this afternoon. Be there early dahil meron din drawing contest ng butterflies with lots of prizes and surprises in store for the winners.

Ang librong "Butterfly" ni Michelle na released ng Universal Publishing ay may kasamang libreng VCD na si Michelle mismo ang nag-dramatized ng iba’t ibang characters at tagpo sa istorya ng libro.

Magandang pang-regalo ito sa mga bata, lalo na ang mga graduating students sa prep, kinder o maging sa elementary. Puwede ring bigyan ng "Butterfly" ang inyong anak na pumasang matataas ang marka bilang premyo. Siguradong maa-appreciate nila ito.