Lindsay Custodio, nagbukas ng bakeshop

Meron na palang Sweet Temptations itong dating Ang TV kid na si Lindsay Custodio. Matagal-tagal na rin tayong walang balita sa kanya sapul nang ikasal ito at magkaanak.

Sa ginanap na Kiddie Extravaganza sa Megatrade Hall ng SM Megamall last Feb. 9-10, kasali sa mga celebrities na nag-exhibit si Lindsay. Kasali rin si Jolina Magdangal na merong Jolina Fashion Gallery. Ang Sweet Temptations ni Lindsay ay puro mga cakes, baked delights, sweet goodies ang mga paninda. Halos kapareho rin ng negosyo nina Niño Muhlach at Edith ang business niya.

Nagkaroon pa ng Celebrity Fashion Show at Dog & Monkey Show na idinirek ni Boots Plata. Nagbayad ako ng entrance fee para makapasok ang buong pamilya ko sa nasabing Kiddie Extravaganza dahil ang proceeds daw ay mapupunta sa Children’s Hour. – Boni A. Casiano