"I gave up Lucky, lahat-lahat para kay Oyo Boy" – Anne Curtis

Inamin ni Anne Curtis sa ginanap na presscon para sa nalalapit niyang coming out party (debut, 18th birthday) na ibibigay sa kanya ng Viva Films, na hindi naging matagumpay ang reconciliation nila ni Oyo Boy Sotto. "Sayang dahil in-announce pa ng daddy niya sa presscon ng pelikula nitong Lastikman that we were together. Hindi naman pala.

"But we almost got together. From January 12 to 17 we were okay. Ako pa nga ang habol nang habol sa kanya dahil love ko siya. I even gave up Lucky (Manzano) for him, lahat-lahat. Pinagbawalan nga ako ni Oyo to talk to him. I also turned down a movie date with him.

"I go out with Lucky but he’s not courting me. He also told me that he is not courting Kristine (Hermosa). I got nervous nga when I met his ex-girlfriend, Nancy Castiglione in Bubble Gang.

"I realize na ayaw ko munang makipag-balikan. Huwag muna, mag-enjoy muna kami. I instigated our last break up," anang magandang Australyana na mas feel na isang Pinoy at naghahanap ng guy na Pinoy.

Tungkol naman sa kanyang debut bukas, February 21 na magaganap sa Garden Ballroom of Edsa Shangri-La Hotel, magsusuot siya ng gown na gawa ni Jontie Martinez, ang gumagawa rin ng gown niya sa Beh Bote Nga!

February 17 ang araw ng birthday niya pero nag-decide siya na gawin ang party sa 21st, araw ng Biyernes para makadalo lahat ng kaibigan at kamaganak niya. Ang kanyang ama, si James Curtis Smith, ang first dance niya.

"I chose him to be my first dance because he’s the first man in my life, the only man that I love with all my heart," ani Anne na isang daddy’s girl.

Ang 18 roses will be offered by Janno Gibbs, Anjo Yllana, Chubi del Rosario, Richard Gutierrez, Sherwin Ordoñez, Jake Roxas, Wendell Ramos, Cogie Domingo, JR Trinidad, Patrick Garcia, Dingdong Dantes at Oyo Boy Sotto.

Sina Angelika dela Cruz, Rica Peralejo, Camille Prats, Vanna Garcia, Jodi Sta. Maria, Chantal Umali, Antoinette Taus, Cheska Diaz, Ciara Sotto at Danica Sotto ang magsisindi ng 18 candles.

Ang 18 treasures ay ibibigay ng mga ispesyal na tao sa buhay ni Anne: Ara Mina, Sunshine Cruz, Assunta de Rossi, Dina Bonnevie, Vic Sotto, Michael V., Alice Dixson, Rufa Mae Quinto, Bobby Andrews at Dorothy Tan. Ang huling pangalan ang may-ari ng Petit Monde na kung saan ay nagsimulang maging endorser sa gulang na anim na taon si Anne.

*****

May bagong pelikula si Aubrey Miles sa Regal Entertainment. Ito ang Xerex Xaviera na ginawan ng screenplay ni Roy Iglesias at nasa direksyon ni Mel Chionglo.

Ang Xerex Xaviera ay nagsimula sa pagbibigay ng mga payo tungkol sa sex na sa kalaunan ay nagsasaad na ng sexual exploits and experiences ng mga mambabasa.

Kasama sa pelikula sina Jake Roxas, Carlo Maceda at ang baguhang si Khalani Ferreira.

*****

Isa na namang kapuspalad na OFW ang nagkamit ng swerte nang mabigyan ng isang real estate developer ng libreng lupa at bahay. Ang OFW ay hindi nagkapalad sa kanyang pangingibang bansa at umuwing walang sariling tahanan at nagtiis tumira sa isang sementaryo.

Ang kasaysayan ng buhay ni Theresa Villarosa na binigyan ng sariling bahay at lupa ng Property Company of Friends o Pro Friends sa Greensborough Subd, Dasmariñas, Cavite para sa kanilang ika-apat na anibersaryo. Napanood ito sa Willingly Yours ng ABS-CBN at lumabas sa Hongkong edition ng isang malaganap na tabloid ay pagpapatunay lamang na mayroon pang mga kompanyang katulad nito na ang layunin ay tumulong sa mga kapuspalad.

Para sa iba pang kaalaman tungkol sa pagtulong ng nasabing real estate developer (Pro Friends), tumawag sa 5365343 at 5365170 at hanapin sina Wheng Nartea at Cath Muncal.