Labanang Lucy Torres vs Charlene Gonzales sa TV

Si Lucy Torres ang napiling host ng bagong telemagazine sa GMA, All About You, dahil siya talaga ang karapat-dapat.

Maraming magaganda, matatalino at talagang outstanding female personalities around, pero ibang klase talaga si Mrs. Lucy Torres-Gomez. Bukod sa kanyang flawless complexion na akmang-akmang maging image model ng Dove products, world-class ang ganda niya. Ang pinakamahalaga she’s intelligent, level-headed at may common-sense.

It’s really how she beautifully carries that head over her shoulders. Kahit sandali lang makausap si Ms. Lucy, malalaman agad na she’s a woman of substance. Matalino pero praktikal. Talagang class ang dating kahit hindi pa-class.

Tulad nang tanungin siya kung mga signature or designer clothes ang mga isusuot niya sa All About You.

"Every woman can be fashionable or will look good without being expensive," sagot agad ni Mrs. Gomez. "Of course not, hindi ako magsusuot ng mamahalin at mga exclusive dresses. There are plenty which are very affordable and would fit the budget. This is what the show is all about, to impart things, like good fashion and glamour need not be expensive."

Ngayong Linggo na, 11:30 a.m. ang pilot episode ng All About You at may balitang ang dating show ni Charlene Gonzales na pang-Sabado ay itatapat sa All About You. Siyempre may reaction si Lucy.

"I don’t want to be motivated by things like that," sabi niya. "I’ll work hard simply because all of us involved in it really have to give our best, and not that we have to out-do anybody. It’s but natural to have healthy competition, after all."

Inamin naman agad ni Lucy na taped at hindi live ang kanyang bagong programa.

"It’s a type of magazine show that we want to include so many things in every episode," pahayag niya. "So we really have to tape it to be able to collect as much material as possible."

Ang magaan pa sa taping, naisasama niya ang kanyang anak na si Julianna. Kaya parang hindi rin umaalis ng bahay si Lucy kahit nagtatrabaho siya.

Sa sobrang busy niya at maraming ginagawa as a TV personality, commercial at fashion model at may negosyo pa, paano nagkakaroon ng hustong oras sa kanyang pamilya si Lucy?

"That’s the problem with other people who are really busy," sagot ni Lucy. "Pero sa kanya hindi ito problema at isa ito sa mga matututuhan sa panunuod ng kanyang show. Bukod sa usual effective time management may mga sariling technique si Lucy na handa niyang i-share sa kanyang mga televiewers.

Kahit ang target audience ng All About You ay mga kababaihan, puwede rin manuod ang mga lalake dito. Lalo pa’t tuwing Linggo ang telecast nito na ang lahat ng pamilya ay nasa bahay.

* * *

Talagang overwhelming ang response sa bagong grupong Masculados. Sa media launching pa lamang, maraming humanga sa kanilang palabas. Lahat ng mga press people na nandoon ay nagsabing madaling sisikat ang grupong likha ni Direktor Maryo J. Delos Reyes.

It follows na magiging hit bigla ang kanilang debut album "Masculados", from Universal Records.

Noong Miyerkules na pinalabas ang footages ng nasabing launching sa news program na Front Page ng GMA, nabulabog ang newsroom pagkatapos. Ang dami agad phone calls sa network. Sunud-sunod ang tumawag at nagtanong kung saan mako-contact o masusulatan ang Masculados.

Ang kwento nga ng isang GMA insider, habang nasa editing pa lang sa newsroom ang Masculados launching, kilig na kilig na ang mga chicks na nandoon.

Kinabukasan naman, Huwebes, naging lubhang abala ang mga telephone operators ng Universal Records. Bukod sa maraming gustong magtayo ng Masculados fans club, meron din mga booking agent ng iba’t ibang clubs gustong magtanghal na sa kanila ang Masculados.