Go for Gold binuhay muli ng ABAP sa ABC

Katulad ng Phoenix na isinilang muli mula sa abo, binuhay muli ng Amateur Boxing Association of the Philippines (ABAP) at ABC 5 ang popular na Go For Gold matapos itong mawala sa ere noong 1999 dahilan sa kalagayang pang-ekonomiya. Ngayon, nagbabalik ang boxing program na nagsanay kay Atlanta Olympic silver medalist Mansueto "Onyok" Velasco at sa kanyang kapatid na si Barcelona Olympic bronze medalist Roel Velasco na may layuning ipanalo sa Pilipinas ang kanyang unang medalyang ginto sa larangan ng boxing sa 2004 Olympic Games sa Athens.

Pinirmahan na nina ABAP President Manny Lopez (right) at ABC 5 VP for Programs Acquisition Vic Vianzon (left), ang isang promising partnership noong January 28, sa weekly Philippine Sportswriter’s Association Forum sa Holiday Inn Hotel. Sa pagtahak muli mula grassroots, inilunsad ng ABAP ang comeback episode last February 8, 11:30 sa ABC; ipinalabas ang pagtutunggali ng boxing international medalists laban sa promising challengers mula Calamba, Laguna.