Sino ang karapat-dapat sa titulong dance showdown si Angela o' si Regine?

Nagiging kompetisyon na among sexy stars ang ASAP dance showdown tuwing Sunday. Sa katunayan, nagkakaroon na ng tension ang staff ng nasabing palabas tuwing Linggo dahil sa patalbugan ng mga nagku-compete. ‘Tulad na lang sa case nina Angela Velez at Regine Tolentino ang balita namin ay nagkaroon ng alitan noong Sunday.

Ayon sa kuwento, kinareer ni Angela ang kanyang dance number by hiring a group of dancers. Unlike Regine (ang defending champion) na naging kampante sa dancers na provided ng show. Around 9 a.m. noong Sunday, nakarating kay Regine ang ginawa ni Angela kaya na-tense ito. Malinaw kasi na kakabugin siya ng sexy star lalo pa’t may sarili itong dancers.

Hindi nagustuhan ng kampo ni Regine ang ginawa ni Angela kaya at the last minute ay pinatawag nito ang ASAP dancers para baguhin ang kanilang steps. Syempre, hindi papayag si Regine na agad na makuha ang kanyang title lalo pa’t one week pa lang niya itong pinanghahawakan. Matatandaan na 2 weeks ago ay tinalo ni Regine si Angelica Jones sa said showdown. We heard na nag-react na ang mommy ni Regine dahil sa insidente.

Sa katapusan ng showdown, nag-tie sina Regine at Angela. Silang dalawa ang may hawak ngayon ng title ng ASAP dance showdown queen. Abangan na lang ninyo ngayong Sunday kung paano sila magpapatalbugan para masolo ang titulo. Si Jenny Miller ang makaka-compete nina Angela at Regine ngayong Sunday. Nakaka-excite, no?

* * *

Dumadami ang mga celebrities na nahuhumaling sa crystals. Naniniwala sila na may dalang suwerte ang crystal lalo sa kanilang career. Sinasabing suwerte rin ang crystals sa business, wealth, health at kahit sa fertility ng couple. Marami na ang nagpapatunay na may dalang suwerte nga ang crystals.

Si Joy Lim, ang owner ng Charms & Crystals International ay unti-unti nang nagkakaroon ng image na ‘charm ng bayan’ dahil sa dami ng taong dumadayo sa kanya para magpakonsulta at bumili ng crystals.

"Crystals attract luck and charm," sabi ni Joy. "Kailangan lang, ang tamang sequence and programming. Marami na ang nagpatotoo ng suwerteng dala ng crystals."

Ilan sa mga nahuhumaling sa crystals ngayon ay sina Kris Aquino, Piolo Pascual, Jericho Rosales, Rica Peralejo, Nikki Valdez, Roderick Paulate, Willie Revillame, Ces Drillon, Cheryl Cosim, Nova Villa, Ces Quejada at ilang executives ng ABS-CBN. Marami ring kliyente si Joy na successful businessmen at politician.

Ideal ang crystal lalo na sa nalalapit na Chinese New Year (February 1). Nariyan ang tinatawag na Prosperity Basket at Wealth Vase na pinaniniwalaang nagdadala ng swerte. For counciling ang counsultations, puwede n’yong tawagan si Joy sa 647-6375/413-9112 o puwede n’yo siyang bisitahin sa 22-B Dapitan St., near Mayon, Quezon City.

* * *

Very proud ang isang young action star kung ikuwento niya ang kanyang anak sa isang non-showbiz girl. Pero ang hindi alam ng marami, halos hindi binibisita ng young action star ang anak nito. Lalo na syempreng hindi na ito nagbibigay ng sustento sa bata. ‘Buti na lang, may kaya sa buhay ang ina ng bata kaya hindi ito umaasa sa sustento ng young action star.

Kilala namin ang non-showbiz girl na naanakan ng young action star. Bukod sa maganda, mabait, matalino ay may kaya pa ito sa buhay. Kinailangan nitong mag-resign sa kanyang trabaho sa isang malaking network para maiwasan ang tsismis. May pangako rin sa kanya noon ang young action star na pakakasalan siya. Only to find out na iiwanan lang silang mag-ina ng young action star.

Nanghihinayang kami sa sinapit ng kanilang relasyon. Nakita ko kung paano niligawan ng young action star si babae noon. Bagay sila dahil maganda talaga ang non-showbiz girl.

Ngayon, ang non-showbiz girl ang mag-isang nagpapalaki sa kanyang anak. Wala siyang regrets dahil lumalaking matalino at guwapo ang kanyang baby. She now has a good career as a pre-school teacher sa isang prestihiyosong paaralan.