Wowie sabak na rin sa bold

Nagkita kami ni Ihman Isturco, manager ni Dante Balboa, sa isang radio station. Nagpu-promote sila ng stage play titled The Bomb na ipalalabas sa Rajah Soliman simula Pebrero 6.

Ayon dito ay dalawa ang bida ng stage play na kinabibilangan ng kanyang talent na si Dante at si Wowie de Guzman. First time ng huli na sasabak sa entablado. Magpapagalingan sila sa paghuhubad ni Dante sa stage. Istorya ng The Bomb ang tungkol sa dalawang sikat na showbiz personalities-ang isa’y sikat na TV host at ang isa naman ay talent manager.

Marami ang nagtatanong kung ang pagbu-bold ni Wowie sa entablado ay humantong na rin sa pelikula?

Ang stageplay ay mula sa direksyon ni Soxy Topacio.

Mikey, Ayaw Nang Magpaapekto Sa Intriga

Sa presscon ng AB Normal College ay nilinaw ni Vice Gov. Mikey Arroyo ang tungkol sa balitang panliligaw niya kay Rufa Mae Quinto. Panay ang inom nito ng tubig at palabas-labas kapag si Rufa Mae ang paksa. Sinabi niya na kung nagkaroon man ng ligawan sa kanilang dalawa ito ay noong binata pa siya at ginagawa naman ni Rufa Mae ang pelikulang Radyo.

Hindi direktang inamin o itinanggi ni Mikey ang tungkol dito. Basta sinabi niyang ayaw na niyang pahabain ang isyu dahil baka sabihing ginagamit niya si Rufa. Tungkol naman sa Jaguar na sinasabing regalo niya sa aktres ay binigyan-linaw niya ito sa pagsasabing hindi pa sila magkakilala ay may sasakyan na ito.

Ang susunod niyang movie sa Viva ay kasama si Ace Vergel titles Masamang Ugat na ididirek ng kanyang kaibigang director na si Willy Milan.

Albert, Direktor Na!

Abala rin ngayon si Albert Martinez sa pagdidirek sa telebisyon. Siya ang direktor ng last episode ng Pira-Pirasong Pangarap na pinamagatang Unwanted at sinulat ni Lualhati Bautista. Siya pa rin ang direktor ng pilot episode ng Nagmamahal na siyang papalit sa Pira-Pirasong Pangarap kung saan isa si Liezl Martinez sa dalawang bidang babae.

Sa pelikula naman ay hataw din si Albert. Nakalinya ang isang proyekto ng Viva Films na kapareha niya si Maui Taylor at ang isa naman ay si Katya Santos. Tuloy pa rin siya sa Habang Kapiling Ka bilang asawa ni Snooky Serna. Kontrabida siya rito.

Nagkalat Ang Boobs At Hiyas Sa Pelikula

Sa pelikulang Matamis Hanggang Dulo ay maraming maiinit na eksena ang mga artista. May romansa sa pagitan nina Allen Dizon at ang baguhang sexy star na si Maye Tongco kung saan ibinuyangyang nito ang kanyang hiyas at walang pangiming lumitaw ang pubic hair gayundin ang isa pang sexy star na naging asawa ni Allen sa movie. Grabe ang mga eksena dito. May maiinit ding eksena sina Yda Manzano at Mark Dionisio kung saan lumitaw din ang boobs ng aktres.

Marami ang nagtatanong kung paano ito nakalusot sa matalas na gunting ng MTRCB. Nakatulog kaya uli sa reviewer ng movie?

Melvyn, Recording Artist Na

Abala sa kanyang voice lessons ang guwapong baguhang singer na si Melvyn Dizon, anytime raw ay makikipag-meeting na sila ng manager na si Offie Angeles kay Nonoy Tan para sa gagawin nitong debut album.

Maswerte nga si Melvyn dahil may taong tumulong para matupad niya ang pangarap na maging isang recording artist. Sa pamamagitan ng kanyang manager ay nagagawa niyang humataw sa pagkanta.

May mga nakalinyang shows si Melvyn. Sa Pebrero 21 ay nasa Pateros Rizal siya, Marso 17 sa Rembrandt Hotel kasama sina Von Arroyo at Rea Valle, may campus tour siya kasama naman si Aiza Seguerra.

Magkakaroon ito ng solo concert sa Abril kasama ang magaling na komedyanteng si Marissa Sanches.

Patungo ng Amerika si Offie sa Marso para makipag-negotiate sa Filipino community sa Seatle, Washington para sa show dun na tatampukan ni Angelika dela Cruz at ni Melvyn.

Bernard, Si Rica Pa Rin Ang Ka-Valentine

Kung buong ningning na inaamin ni Rica Peralejo na break na sila ni Bernard Palanca ay pinabulaanan naman ng binata ang sinabi nito. Katunayan, itinatanggi nito na may kaugnayan ang kanilang paghihiwalay kay Jackie Forster.

Inamin ni Bernard na wala siyang ibang babaeng mamahalin at pangarap na maihatid sa altar kundi si Rica lang. At siya pa rin ang ka-date ng aktor sa darating na Valentine’s Day.

Sa kabilang banda, excited na si Rica na makatrabaho si Rufa Mae sa pelikulang Two ng Viva Films.