Aria Llanes, mas diva pa kay Ethel Booba?

Malagpasan kaya ni Aria Llanes ang 12-week reign bilang videoke Singing Star na si Ethel ‘‘booba’’ Gabison sa country’s original videoke gameshow, Sing-Galing, mamayang alas-otso sa Singko?

Para sa mga hindi pa nakakikilala kay Aria eto ang ilang trivia para sa inyo: Si Aria, 19-year-old Mass Communication student ng AMA Computer University ay ang defending champion ng Sing-Galing ng 12 linggo na ngayon.

Nakapag-uwi na siya ng tumataginting na P305,000, plus a silver magic sing-along microphone na nakuha niya during her fifth week reign bilang champion. Ngayong Linggo, meron na naman siyang pagkakataon para magwagi ng mas marami pang pera, mas marami pang fans, at mas matagal na record bilang defending champion kesa kay Ethel Gabison kung mapapanatili niya ang kanyang titulo bilang videoke singing star.

Sa kabilang banda naman, tatlong comedian celebrity guests ang makikipag-jam sa comic duo na sina Allan K at AiAi. Sina Joy Viado, Carding Castro, at Tiya Pusit ang magpapainit sa inyong malalamig na gabi sa isang musical katatawanan na siguradong magpapagaan ng inyong pakiramdam.