May ibubunyag si Osang

Marahil nasubaybayan ng lahat ng tao ang madramang buhay ni Rosanna Roces mula sa pagpasok niya sa showbiz bilang Ana Maceda hanggang sa kanyang kasikatan ngayon bilang "Pambansang Pampagana". Sa madramang takbo ng kanyang buhay, umani siya ng batikos at paghanga dahil sa mga kontrobersyang kanyang kinasangkutan. Sa kabila ng lahat, napatunayan ni Osang na isa siyang totoong tao, wala siyang ikinahiya, walang itinago.

Ngayong Sabado (Jan. 11) sa Startalk, isang makulay na bahagi ng kanyang buhay ang muli n’yong masasaksihan. Matatahimik na kaya siya sa paghahanap ng kanyang tunay na ina? Sundan ang masalimuot niyang nakaraan: Ang paglaki niya bilang ampon... ang kuwento sa likod ng pagpapaampon sa kanya ng kanyang tunay na magulang, at marami pang ibang nakakagulat na rebelasyon dito lang sa Startalk ngayong Sabado alas-2:30 sa GMA.