Aahon ang industriya sa 2003

Isang malaking pagbabago sa MMFF na inaprubahan ni Presidente Gloria Macapagal-Arroyo ang tunay na makatutulong sa ating naghihingalong industriya ng pelikula.

Una, sa halip na 10 araw lang ang filmfest, nadagdagan pa ng isang linggo, kaya’t hanggang Enero 10 na ipalalabas ang mga official entries. Ang unang 7, nagsimula ang playdate noong Pasko. Ang nahuling dalawa–Spirit Warriors at Lastikman, opening sa New Year’s Day, pero kabilang pa rin sila sa official entries.

Isang inside story mula sa very reliable source: Noong unang screening pa lang ng mga scripts, 10 ang pinili na binigyan agad ng tig-P100,000. Kasama rito ang Balanggiga ni Gil Portes. Kaya lang ay hindi agad dumating ang producer ni Director Portes, nag-back out ang posibleng official entry. Pinasok naman ang Kulimlim ng Neo Films, na later on, umatras din.