Gee Girls hinahamon ang Sex Bomb Girls!

Alin sa dalawa, mas sisikat pa ang Sex Bomb Girls o mapapatungan ang kasikatan nila ng Gee Girls, isang bagong grupo ng dancers na regular na napapanood sa Magandang Tanghali Bayan, ang show na kalabang mortal ng Eat Bulaga, na kung saan naman ay pambato ang SBG na kinabibilangan nina Rochelle, Jopay, Weng, Izzy, Monic at Yvette.

Walo ang myembro ng Gee Girls na mina-manage ni Lynn Tamayo, isa ring kilalang choreographer as compared to SBG’s Joy Cancio– Erika Javier, Sirk Cortez, Eya Balagot, Angela Roldan, Princess Borja, Sab Fernandez, Jenny Salimao at Sheena Bonwel. May edad sila mula 17 hanggang 21.

Katulad ng SBG, ang ilan sa GG ay nagmula rin sa mga dance groups. May ilan na talagang nagsisimula pa lamang, tulad ni Princess na graduate na ng Physical Therapy pero, nagpasya pa ring mag-audition habang hinihintay pa na maging pinal ang isip niya– kung ipa-practice ang propesyon niya o mag-abroad. Sa ngayon, magi-enjoy muna siya bilang myembro ng GG.

Gee Girls take over the chore na iniwan sa MTB ng Kendeng Girls. They leave behind Jenny, Mutya ng Caloocan title holder.

Nagsisilbing leader ng GG at paminsan-minsan ay choreographer din ng grupo si Sirk, isang myembro ng Star Circle Batch 8. Kasama sa napakaraming talent niya ang pagiging singer, dancer, choreographer, actor, ramp and commercial model.

Si Sheena ang baby ng grupo, finalist at winner ng maraming dancing competitions. Dream niya ang maging isang professional dancer.

Si Sab naman ang rapper ng grupo pero, di ibig sabihin ay di siya marunong kumanta. Katunayan, bago naging memberr ng GG, singing ang passion niya.

Si Erika naman ang one of the most experienced dancers in the group. Naging member siya ng VIP Dancers at nag-on the job training sa Keep On Dancing ng Ch. 2.

Sa school naging member siya ng Tabernacle of Faith International singers.

Si Eya ang may pinaka-maliit na beywang sa grupo. Isa rin siyang accomplished dancer, having studied classical and modern ballet, street jazz, jazz and Horton.

Siya ang tinatawag na most feminine looking sa grupo. Siya si Angela na bukod sa pagsasayaw ay mahilig ding magluto at mag-cross stitch.

May self-titled album na rin ang GG, ginawa para sa kanila ng Vicor Music Corporation. Naglalaman ito ng danceable songs na pinangungunahan ng "Ano Ka Hilo", isang komposisyon ni Norman Caraan, tungkol sa courtship and puppy love.Other songs in the album include, "I Will Survive", "Papa Oom Mow Mow", "I Can’t Get No Satisfaction", "That’s The Way I Like It", "Sabik na Sabik", "Mag-exercise Tayo", "Chuwariwap", "Legs, Legs, Legs" at ang bonus track na "Mamacita".