Ina, sa Pinas gustong pakasal para walang divorce

One year and a month na ang anak ni Ina Raymundo sa businessman boyfriend niyang si Bryan Poturnak. Pero kahit baby pa si Erika (her name), hindi naging issue ang pagka-comeback niya sa showbiz. "Like this Christmas sana, sa Canada kami, but because of this movie (Ang Alamat ng Lawin opposite Fernando Poe Jr.), na-cancel lahat," she said in an interview.

Actually, hindi pa sila kasal ni Bryan. Pero nagpaplano na sila ng isang grand wedding. "Pero not now, very soon," she said.

May idea na siya sa magiging motif. Red ang gusto niya.

At kung siya ang tatanungin, mas gusto niyang sa bansa magpakasal - church wedding dahil walang divorce dito sa atin. Samantalang sa Canada nga naman, madaling-madali ang divorce.

Adjusted na si Ina sa set up niya ngayon. "Masarap ‘yung pakiramdam na pag-uwi mo, may katabi ka. Pag wala akong schedule na shooting or taping, nasa house lang ako binabantayan si Erika," she averred.

Nasa peak ng career si Ina noon nang mag-decide siyang mag-settle na lang. Pero wala siyang regret dahil masaya na siya at may angel na sila ni Bryan. Magpo-promote pa sana siya ng album noon nang mabuo si Erika.

Tatlong anak ang plano nila ni Bryan. Next year most probably, susundan na nila si Erika.

In any case, pinipigilan naman sana siya ni Bryan na mag-showbiz, pero choice niya na mag-trabaho para hindi ma-bore sa bahay. "Sinasabi nga sa akin ni Bryan, I don’t have to work na raw. Pero okey na sa akin ‘to, at least may ginagawa rin ako," she added.

Anyway, kung before she gave birth lahat sexy movies ang ginagawa niya, this time wholesome ang role niya sa Ang Alamat ng Lawin. Actually, first time niyang makasama sa GP movie at with FPJ pa. Second movie naman niya ito with FPJ — una silang nagsama sa Eseng ng Tondo three years ago.

Last movie ni Ina ang Tuhog kung saan na-recognize siya ng Star Awards bilang best actress.

"Namimili na lang ako ng project ngayon, dapat wholesome na," she said.

At any rate, very proud si Ina sa project na ‘to dahil bukod sa kasama niya si FPJ, sobra ang visual effects na ginamit nila sa pelikula. Marami silang out-of-town location, pero walang naging problema sa part niya dahil very supportive si Bryan kaya okey lang.

* * *

Dumating si Senator Nene Pimentel sa presscon ng wife niyang si Ms. Bing Pimentel para sa full-orchestra concert on December 11, 2002 at Teatro Aguinaldo sa Camp Aguinaldo.

"Wala naman kaming session kaya nagpunta na lang ako rito," the senator said.

Dedicated kay Senator Pimentel ang nasabing concert dahil most of the songs na featured ay sinulat ni Mrs. Pimentel for Senator Nene noong time na nasa kulungan ito, during the time of Martial Law - Marcos time. "May time kami no'n na naga-anniversary kami pero hindi puwedeng mag-celebrate dahil nasa kulungan siya. Kaya ang ginagawa ko, nagsusulat na lang ako no'n ng kanta," Mrs. Pimentel recalls.

Sa Awit...Pag-ibig, Alay, Papuri, maririnig natin ang mga classical song na sinulat ni Mrs. Pimentel. Kasama sa nasabing concert ang Philippine Philharmonic Orchestra under the baton of Professor Alfredo Buenaventura with Dulce, Freddie Aguilar, Isay Alvarez, Pinky Marquez, Bim-bo Cerrudo, Gamy Viray, Sheila Asuncion, Gelyn Onate and the University of the Philippines Vocal Ensemble under the direction of Mr. Ching-goy Alonso.

Present si Pinky Marquez during the presscon kung saan pumayag pa siyang magbigay ng song. Classical ang nasabing song na unfortunately ay nakalimutan ko ang title.

In any case, after the presscon, nagkaroon kami ng chance na kausapin si Senator Pimentel. Hindi naiwasan na tanungin siya kung anong plano niya sa 2004. Admitted ang senador na ipini-prepare niya ang kanyang sarili para sa 2004 presidential election. "Ayoko munang sabihin ngayon dahil mada-divert ang attention ng tao," paki-usap niya.

In any case, 42 years na ang marriage nila ni Mrs. Pimentel and going strong. "Parati akong nagdadasal kaya siguro naiiwasan ko ang temptation," medyo natatawang sagot ng senador sa tanong kung nagkaroon ba ng time na tumingin din siya sa ibang babae lalo na nga’t nasa pulitika siya.

* * *

Salve V. Asis’ e-mail - [email protected]/[email protected]