Allan K at Sex Bomb sa Calamba

Matapos ang sunud-sunod na matagumpay na concert nina Allan K at Sex Bomb na pinangungunahan ni Rochelle Pangilinan sa iba’t ibang bayan at siyudad sa bansa, kabilang na ang Metro Manila ay pupunta naman sila sa Calamba City sa Laguna sa Nob. 23 para magbigay-aliw sa LLC Auditorium sa Central II Elem. School.

Isang sexy-comedy concert ang ihahatid ng grupo sa nasabing siyudad kung saan hatid ito ng Coca Cola Philippines sa pakikipagtulungan ng RCR Marketing at Tau Gamma Triskelion na pinamumunuan ni Niño Lajara, Discount City, TSS Telecom, Tami Ann’s Restaurant at Aqua de Laguna. Pinamagatang Allan K and the Sex Bomb Dancers in Full Concert Live in Calamba City, ang beneficiary nito ay ang DSWD—Hope Intervention Center for Special Children. Sumuporta rin sa concert sina Calamba City Mayor Severino Lajara, Mrs. Virginia Baruro ng City Treasury, Executive Asst. Johnny Javier, DILG head Rose Rizal, DSWD head Nancy Castro at iba’t ibang barangay ng naturang siyudad.