'Pagod na ako, gusto ko ng bakasyon! - Ara Mina

Nakatatak na sa aking isip ang pagiging isang propesyonal na bold actress ni Ara Mina. Natatandaan ko na nagkasakit ako ng labis matapos kong mapanood ang shoot ng isang rape scene niya sa isang pelikula na nagtambal sila ni Rudy Fernandez for the very first time. Habang binabago ng direktor ang anggulo ng kanyang kamera ay ayun si Ara at payapang nakahiga sa isang lamesa. Pagod matapos ang eksena na niri-rape siya ng apat na lalaki, hubo’t hubad. Ako pa ang nakiusap na kung maaari ay takpan naman nila siya habang di pa gumigiling ang kamera.

Kung sa pelikulang yun napagod siya, lalo’t higit dito sa Two Timer na kung saan ay nakikipag-talik siya ng walang kadahi-dahilan. Kapag feel ng character niya ng sex, kahit sinong lalaki na lamang at kahit saan, pwede na siya.

"Minsan, may tinanggihan akong lalaki na makaka-eksena dahil ka-mukha ng dati kong manliligaw. Diring-diri ako. "Nakakapagod talaga ang Two Timer. Minsan inabutan pa ako ng aking monthly period. Tumigas ang puson ko sa sobrang lamig nang magkaroon ako ng lovescene sa loob ng isang trak ng yelo.

"Hindi lamang ako sa pelikula pagod, pagod talaga ako sa sobrang dami ng aking trabaho. Bukod sa taping sa TV (Bubble Gang, Kung Mawawala Ka) at shooting at promo ng Two Timer, talagang humihingi na ako ng bakasyon. Kailangan ko na talagang magpahinga. Siguro magagawa ko ito kapag nagpunta kami ng China para sa location shoot ng Mano Po. Tinatapos nga nilang lahat ng eksena rito para makapag-enjoy kami sa China," sabi niya.

Dahil abala siya sa trabaho, ang nagsa-suffer ay ang lovelife niya. "Zero talaga pero, nakikipagkilala naman ako. Collect and collect muna ang ginagawa ko bago ako mag-select."

Kasama ni Ara sa Two Timer na nasa direksyon ni Mel Chionglo sina Albert Mar-tinez at Wendell Ramos.

*****

Maski na ang miyembro ng entertainment press ay interesado sa 2003 calendar ng FHM kung kaya dagsa rin sila sa launching nito kamakailan lang.

Kung last year ay solo ni Assunta ang pagiging modelo, tatlo ang modelo ngayon ng FHM 2003 Calendar, sina Aubrey Miles, Maui Taylor at Diana Zubiri.

Hindi na nagpatalbugan ang tatlo sa pictorial na katulad ng inaasahan ng lahat. Less daring din ang mga shots compared to last year’s pero, katwiran ng isang kasama sa panulat, dahilan daw ito sa tatlo ang modelo. Kung nag-iisa lang ito, ibibigay niya ang lahat ng makakaya niya at hihilingin sa kanya.

Ang pictorial ay kinunan ni Xander Angeles sa Bohol. Ang editor-in-chief ng FHM na si Eric Ramos ang siyang nagsilbi ring creative director. Mabibili ang kalendaryo sa halagang P250.

*****

Unfair nga naman na bigyan ng sisi ang Viva big boss na si Vic del Rosario sa paglaganap ng pirated video ni Sunshine Cruz kasama si Jay Manalo.

"Unfair ito para sa Viva at para sa akin dahil legitimate business ang pinatatakbo ng aking kumpanya at naging policy na namin ang labanan ang piracy," ani G. Del Rosario.

Ang Sunshine video ay isang 5-minute footage na inuulit-ulit lamang ang eksena nila ni Jay sa di natuloy na pelikula ni Tikoy Aguiluz, ang Dukot Queen. Di ito ipinagpatuloy nang mag-asawa si Sunshine kay Cesar Montano at ipinakiusap ni Cesar sa Viva na hawakan nila ang mga negatives at pumayag naman sila.

Ang Roadrunner na gumawa ng post prod ng nasabing pelikula ang tanging may access sa mga negatibo. Humingi ng paumanhin si Alan Escaño, managing director ng post prod facility ng Roadrunner at inacknowledge niya ang kasalanan sa pagkalat ng footages. Nangako siyang tatanggalin ang empleyado na may kasalanan dito at nangakong di na ito mauulit pa.

"Gumagawa rin kami ng sarili naming imbestigasyon dito. At kung may kinalaman dito ang mga nag-compile ng Wet Dreams at Dream Girls video, we will definitley file charges," dagdag pa ni G. Del Rosario.