Sunshine Dizon paborito ng Turtles

Pinatunayan ng young actress na si Sunshine Dizon ang pagiging tapat niya sa gumagawa ng Turtles t-shirt nang muli niyang tanggapin ang alok nitong magsuot muli ng nasabing brand sa kanyang TV programs.

Hindi pa man putok noon ang pangalan ni Sunshine sa mga drama series, suportado na ng Turtles ang mga isinusuot ng young actress tulad noon sa Anna Karenina sa Channel 7. Kaya nang mamayagpag ang aktres sa mga panggabing drama series, minabuti ng Turtles na muli itong bigyan ng supply ng shirt upang magamit sa career niya.

Sa pagpili ng Turtles sa dami ng brands na gustong mag-supply sa kanya, ani Shine, "Komportable kasi ako sa Turtles. Pati mga kulay nila at designs, tamang-tama sa age ko!"

Sa pagpayag muli ni Sunshine na maging bahagi ng acting career niya ang Turtles t-shirt, makikitang suot niya ito sa regular series niya sa Channel 7 na Kung Mawawala Ka at sa Daboy En Dagirl.

Eh sa totoo lang, hindi lang sa tulad ni Sunshine babagay ang Turtles t-shirt. May mga designs din para sa mga bata, lalaki at maging sa may edad na. Lalo na ngayong malapit na ang Pasko, maglalabas pa ng iba’t ibang disenyo at kulay ang Turtles t-shirt sa murang halaga lamang.