1-908-Playtym

Inihahandog ng GMA at PLDT ang kauna-unahang interactive video game show sa bansa, ang 1-908-PLAYTYM (7529896). At sa kauna-unahang pagkakataon, mapapanood n’yo ang isang video game show kung saan nako-control ng mga viewers/contestants ang ipinapalabas na live video game show mula sa kanilang mga tahanan sa pamamagitan ng keypad ng kanilang mga landline. Ang mga host ng "high-tech" live video game show na ito ay ang mga sikat na teenstars ng GMA na sina Sherwin Ordoñez, Danica Sotto, Karen delos Reyes, Chynna Ortaleza at Bryan Revilla.

Madaling sumali. Gamit ang inyong PLDT landline na may NDD, PLDT Touch Card o PLDT Fonkard Plus, i-dial lang ang 1-908-PLAYTYM (1-908-7529896) at sundin ang voice prompt para mag-register. Ang lahat ng tawag ay may kaukulang charge na 10 pesos bawat minuto, P5,000 ang mapapanalunan ng daily winner at P3,000 naman ang sa homepartner.

Ang live on-air interactive video game show na ito ay mapapanood Lunes hanggang Biyernes, alas-4:25 n.h. sa GMA simula sa ika-14 ng Oktubre.