Victor Neri choice ng GMA para ipareha kay Angelika

Si Victor Neri umano ang choice ng mga taga-GMA-7 para makapareha ni Angelika dela Cruz sa bago nitong sisimulang teleserye.

Si Victor ay kasama sa Sa Dulo ng Walang Hanggan at siya’y gumaganap na anak ni Pilar Pilapil at ama ng anak ni Matet de Leon.

Kapag tinanggap ni Victor ang alok ng Siyete, hindi marahil papayag ang ABS-CBN na dala-dalawa ang tumatakbong serye ni Victor sa magkalabang istasyon kaya malamang na patayin ang character nito sa SDNWH.

Si Victor umano ang ipinalit kay Robin Padilla na siyang unang inialok ng Siyete.

* * *

Nakapag-first shooting day na si Donita Rose ng kanyang first movie under OctoArts Films, ang Lastik Man na pinagtatambalan nila for the first time ng TV host-comedian na si Vic Sotto.

Siyempre pa, excited si Donita dahil intended ang pelikula for the coming Metro Manila Film Festival na first time rin niyang sasalihan sakaling palarin ang pelikula na makapasok sa Magic 7.

Ang Lastik Man ay balik-tambalan din nina Vic Sotto, Michael V at Direk Tony Reyes na huling nagkasama sa pelikulang D’ Sisters (Nuns of the Above) sa bakuran din ng Octo Arts Films in 1999.

* * *

Abut-abot ang suwerteng dumarating ngayon sa TV host-comedian-singer-composer na si Ogie Alcasid. Nung nakaraang Huwebes ng gabi, siya ang pinarangalan ng Awit Awards ng "Album of the Year". Siya rin ang nanalong "Best Male Performer" para sa kanyang pinasikat na awiting "Ikaw Sana". Sa buwan ding ito isinilang ang second baby nila ng wife niyang si Michelle Van Eimeren, si Sarah Kate at next month naman, sa October 4 ay isang major concert ang gaganapin sa Araneta Coliseum, ang OA sa Hits. Pagkatapos ng major concert, ipapalabas naman ang kanyang comeback movie with Michael V., ang Best Man na dinirek ni Tony Reyes for Maverick Films.

Sa 14 na taon ni Ogie sa entertainment business, malayo na ang kanyang narating at wala na siyang dapat na patunayan pa.

"I’m so blessed!" bulalas niya.

Samantala, napag-alaman namin na si Ogie din pala ang producer ng debut album ni Piolo Pascual sa Star Records. Nai-record na rin ni Piolo ang awiting "Kailangan Kita" na siyang titulo at theme song ng pelikula nina Aga Muhlach at Claudine Barretto. Si Ogie rin ang nag-compose ng nasabing awitin.

* * *

Wala na sigurong puwedeng kumuwestyon sa pagmamahalan nina Assunta de Rossi at Jules Ledesma na lalong naging matatag nang kidnapin ang dalawang anak ni Jules sa nasira niyang asawa hanggang sa ang mga ito’y palayain ng kanilang mga captors.

Dahil sa ipinakitang suporta ni Assunta kay Jules at sa kanyang mga anak, lalo lamang marahil napamahal ang sexy star sa kanyang biyudong kasintahan.

Pasalamat na rin si Assunta na hindi sila tumuloy ni Jules patungong Canada for the Toronto International Film Festival.

* * *

Email: [email protected]