Konsiyerto ang aasikasuhin ni Daisy Reyes

Out na sa market ang unang self-titled album ni Daisy Reyes na ginawa niya for Dyna Music. Siya ang newest recording artist ng recording company headed by Mr. Howard G. Dy, managing director & CEO.

"It was a long cherished dream. Mula pagkabata, fascinated na ako sa mga napapanood kong singers. Madalas ko silang tularan, tulad ng paborito kong si Madonna.

"May isinusuot pa akong bonnet, tapos gagayahin ko yung pagkanta’t pagsayaw niya. Kahit may mga nanonood sa akin, sige lang di ako nahihiya. In fact, gusto ko nga yung may audience ako’t feeling ko, ang galing-galing ko talaga," lahad ni Daisy.

Nadala niya yung hilig sa pagkanta to this day at malaki ang nagawa nun para mahasa siya ng husto. Ngayon na isa na siyang recording artist, marami siyang dapat ipagpasalamat.

"I am dedicating this album to my family, especially to my mom, who has been very supportive to me all these years. To my father, to whom I owe my talent in singing. And all my friends, who continuously believe in me, in whatever I have to offer."

Daisy’s album is a compilation of Tagalog and English songs at may ilang revivals. Kasama rito ang "Love Me Tender", "Ingatan Mo Ang Puso Ko", "Tayo’y Magsayawan", "Basta’t Kasama Kita", "Pag-ibig Sa Tag-araw", "Tayo’y Magsayawan" (Remix), "I Will", "I Need You", "Too Much Heaven", "Tayo’y Magsayawan" (Radio Edit), "Basta’t Kapiling Kita" (Acoustic).

Magiging abala si Daisy when she get’s back from California, USA. Umalis siya noong August 31, and she’ll be back before end of this month. May series of shows siya roon, pero kailangan niyang magbalik in time for her show in Iligan City, with the LOC Band. The following day, tuloy sila ng Dagupan for another solo concert.

Inaayos na ni Ms. Emma Ruth Gregorio, head ng marketing department ng Dyna Music, ang schedules ni Daisy para sa kanyang radio, television and mall tours. (Ulat Ni Ben Dela Cruz)