WW2BAM Celebrity

Mga bago na ang episode na mapapanood sa Who Wants To Be A Millionaire na ngayon ay ginagawa na sa bagong studio ng Viva Films sa Riverbanks, Marikina City pero, mapapanood pa rin sa dating istasyon nito, ang IBC 13.

Isang malakas na come on ng pakontes na ito na matagumpay pa ring hino-host ni Christopher de Leon at napapanood 7 ng gabi tuwing Sabado at 8:00 pm tuwing Linggo ay ang mini-WW2BAM na pwedeng paglaruan sa bahay at nagbibigay ng P50,000 sa mananalo.

I-text lamang ang JOIN, full name and address at ipadala sa 2967 para sa Globe at Touch Mobile users. Sagutin lamang ng tama ang mga tanong at ipadala ang tamang letra sa multiple choice questions.

Every correct answer entitles the texters to at least 10 raffle entries. You can continue sending answers until you see the message "Game’s over for the show’s home conTEXTtant". The winner will be drawn electronically and will be informed with a text message. I-save ang message at maghintay ng registered mail at tawag mula sa authorized officers.

Sa Agosto 24, panoorin kung paano nanalo ang ilang celebrities para sa kanilang paboritong charity sa WW2BAM. Gaya ni Aiko Melendez na ibinigay ang panalo niyang P100,000 sa Unang Sigaw Day Care Center at sa Luzviminda.

Ang iba pang winner ay si Cong. Imee Marcos na nanalo ng P200,000 at Mary Rose Ong, P10,000.

Ang WW2BAM ay isang Viva TV Production.

*****

Napalitan ang araw ng pagpapalabas ng mini-series na SATSU na tinatampukan nina Robin Padilla at Jacky Woo. Ginawa na itong Huwebes sa halip na Miyerkules pero, sa dati pa ring oras na 10:00-11:00 ng gabi sa IBC 13.

Higit na maaksyon ang tagpo sa pagitan ng dalawang bida na pinasok ang kuta ng Yakuza at tutulungan ang ilang mga kabataang may problema, gaya ni Kyla na anak ng gobernador at si Janine na hooked naman sa drugs.

Kasama pa rin sa serye si Rufa Mae Quinto na gumaganap ng role ng isang policewoman.