Alma,wala ng sustento kay Joey!

Sobra raw ang pagka-in love ni Congressman Jules Ledesma kay Assunta de Rossi. In fact, wala itong ginawa kundi samahan si Assunta sa taping and shooting nito particular na sa shooting ng Bahid. Almost 24 hours daw kung magbantay ang congressman and sometimes, nakikipag-usap pa ito kay Direk Joel Lamangan, director of Bahid. Most of the time rin daw, binabasa nito ang script and kung kailangang i-revise ang dialogue ni Assunta, kinakausap niya si Mother Lily Monteverde, producer ng movie para payagang palitan ang mga dialogue.

Kahit daw sa camera works, gustong i-try ni Congressman Ledesma.

Actually, sa first ever presscon niya with the entertainment press several months ago, na-mention ni Congressman na gusto niyang mag-produce ng movie. Pero wala raw siyang taong kilala no’n na puwedeng gumawa, although medyo nagbibiro siya noon.

No wonder kung bakit medyo hands-on siya sa ginagawang movie ni Assunta.

Anyway, na-feature si Congressman Ledesma sa Pipol hosted by Ces Drilon last Tuesday night. Grabe sobrang yaman pala nitong si Congressman - may private plane siya at pinakita ang hacienda niya. Sinamahan ng crew ng Pipol si Congressman nang for the first time ay isama niya sa San Carlos si Assunta. Ipinakilala na kasi ni Congressman sa kanyang family si Assunta kaya marami nang naniniwala na kasal na nga sila.

*****

Dahil daw sa scandal between Kris Aquino and Alma Moreno, wala ng sustento si Alma from Joey Marquez. Ayon sa isang source ng Baby Talk, ito ang main reason kung bakit tahimik si Alma after ng confrontation nila ni Kris sa Asian Hospital last Thursday morning.

Plano raw ng actor na ang mga bata lang ang bigyan ng sustento. Noon daw kasi, kasama sa sustento si Alma kahit hiwalay na sila.

Most probably totoo ‘to kasi tahimik talaga si Alma. Once kasi na mawalan siya ng sustento kay Joey, forced to good siyang mag-work kahit may sakit siya. Mag-work as in wala na siyang karapatang magpahinga para kumita. Ngayon kasi, can afford pa siyang tumanggi sa mga offer sa kanya pag napi-feel niyang napapagod siya.

Anyway, may text message ngayon na natawa ako nang ma-receive ko - "Pagbalik ni Kris from the US, she will host a new game show, May Brain Ka Na Ba?"

By this time siguro, nag-iisip na siya kung dapat pang mag-continue ang relationship nila ni Joey or hindi na.

Hindi raw susunod si Joey sa US na originally pala bago pa man ang confrontation ay pupunta talaga sa US ang dalawa kaya nakapag-advance taping si Kris ng Game KNB.

Sinabi ni Mayor Joey na tuloy naman ang communication nila ngayon.

By the way, si Carmina Villaroel ang guest co-host nina Pops Fernandez and Zsa Zsa Padilla sa Morning Girls habang wala si Kris.

*****

Kahit pala sa message board ng website ni Billy Crawford, special mention ang name ni KC Concepcion. In fact, alam na nila ang background ni KC - theater actress and a daughter of famous celebrity in the Philippines.

May mga nakita kasi akong message ng fans ni Billy from all over the world na nagtata-nong kung saan siya may show, ‘yung iba naman, talagang nagi-express ng admiration nila sa international singer.

Na-mention kasi ang name ni KC dahil nali-link pala si Billy sa international singer na si Lorie E. Maganda nga siya, parang si Britney Spears. Although hindi siya popular dito, siya naman ang pop diva ng Latin America.

The last time na nasa bansa si Billy, naka-date niya si KC sa concert ni Brian McKnight at he was formally introduced kay Sharon Cuneta nang mag-dinner siya sa house nila KC.

*****

Consistent talaga ang mga government official - kahit ano, may masabi lang pag may nakitang kilala. Isang friend ko ang galing sa Malacañang the other day. Sinamahan niya ang friend niya na mago-oathtaking sa Malacañang. So nang aalis na sila, binati siya ng isang batang cabinet member ng congratulations. Medyo naloka siya dahil hindi naman siya nag-oath. Naka-Amerikana raw kasi siya so akala ng cabinet member nag-oath siya.

Puwede naman kasing tanungin ni Mr. Cabinet kung anong ginawa nang baklitang friend ko, hindi ‘yung iko-congratulate siya dahil nakita siya sa Malacañang.

Routine na lang siguro ito sa government officials para lang maka-PR.

*****

Confirmed na lesbian ang isang actress na matagal nang naru-rumor na tomboy. Ayon sa isang source ng Baby Talk, very visible ito sa mga restaurant kasama ang mga friends niyang lesbian din. Actually, naging issue na ito no’n - ito raw ang reason kung bakit naghiwalay sila ng husband niya.

Hindi na raw ito nahihiya kaya kahit may makakita sa kanyang kakilala, dedma na lang.