Sharon, gusto uling magkaanak

Napanood namin ang pilot telecast ng Sa Kandungan Mo, Inay, ang bagong series ng Tanging Yaman, The Series na tinatampukan ni Cherrie Pie Picache. Honestly, nagustuhan namin ang tinatakbo ng kwento. Pilot telecast pa lang, nakita na namin ang potential ng series. Kakaiba sa mga drama series na napapanood namin.

Sa totoo lang din, ang husay-husay ni Cherrie Pie. Napa-whew kami sa mga eksena niya with her kids portrayed by Aiza Marquez and Bryan Homecillo. Kahit yung mga eksena niya with her bestfriend played by Sylvia Sanchez ay napakahusay ni Cherrie Pie. Matagal na kaming hanga sa husay ni Cherrie Pie pero dito sa Tanging Yaman ay lalo pa niya kaming pinahanga.

Sa kabuuan ay wala kaming maipintas sa husay ng mga artista. Even yung mga first scenes nina Carlo Aquino at Spencer Reyes ay maganda. Even Dennis Trillo who plays Aiza’s boyfriend was good. Ang ganda ng screen presence ni Dennis at nagku-compliment ang features nila ni Aiza. May obserbasyon kaming natanggap na bagay sina Dennis at Aiza. Si Dennis ang masasabi naming pinaka-promising na discovery ng showbiz ngayong taon.

Next week ay inaasahan namin ang mga eksena nina Carlo, Matet de Leon, Spencer at Jestoni Alarcon.

Siyempre, gusto naming batiin si Jerry Sineneng na wala talagang kupas ang kahusayan sa pagdidirek at sa pag-iisip ng magandang materyal for television.

Ang Sa Kandungan Mo, Inay series ay mapapanood tuwing Sabado, 2:30 hanggang 3:30 ng hapon sa ABS-CBN.

* * *

Pinag-uusapan nang husto ang The Mega Event, ang 2 night concert ni Sharon Cuneta sa August 16 at 17 sa Araneta Coliseum. Ito na siguro ang pinakamalaking concert na nai-amount ngayong taon. Bukod kasi sa anniversary concert ito ni Shawie, matagal din since the last time na huling napanood ang Megastar sa isang ganito kalaking concert. Ang balita pa namin, matatagalan bago muling mag-concert si Sharon dahil gusto nitong sundan na si Frankie, ang 2 year-old baby nila ni Senator Francis Pangilinan.

Nasabi naming talk-of-the town ito dahil ang dami naming natatanggap na calls, e-mails at texts asking kung saan makakabili ng tickets. Puwede kayong tumawag sa Artist House at sa SM Ticket Net.

Guest ni Shawie sa The Mega Event sina Martin Nievera, Louie Ocampo at ang San Miguel Philharmonic Orchestra. Si Johnny Manahan (we would like to congratulate for winning the Best Stage Director in the recent Aliw Awards) ang over-all director nito with Mr. Ryan Cayabyab as musical director. Prodyus ito ng Artist House, Inc at ABS-CBN.

* * *

Masayang-masaya si John Lloyd Cruz sa mga nangyayari sa kanyang career. Bukod sa mga regular shows niyang Kay Tagal Kang Hinintay, Magandang Tanghali Bayan at Tabing Ilog (na parehong humahataw sa ratings), sunud-sunod din ang offers niya mula sa iba’t ibang company for endorsements. Mula sa apparel, nariyan ang bags, eyewear, shoes at iba pa na hindi na namin pwedeng mai-divulge. Medyo selective nga lang ang ABS-CBN Talent Center sa pagpili ng mga produkto.

Hindi na talaga maawat si John Lloyd sa pagi-emerge niya as the next drama prince. Habang tumatagal ay marami pa siyang napapahanga sa kanyang kahusayan bilang aktor. At least, nagbunga na ang kanyang pagtitiyaga at paghihintay. Sa totoo lang kasi, isa si John Lloyd sa pinakamabait at sincere na artistang nakilala namin. Hindi namin ito nakitaan ng paglaki ng ulo kahit pa nga sikat na siya.

Speaking of Lloyd, tiyak na magiging masaya ang mga taga-Surigao City sa Sabado, August 17 dahil magkakaroon ito ng show sa said city kasama sina Kaye Abad, Desiree del Valle at Dennis Trillo. This is in line with the 1st anniversary of Jollibee and Greenwhich sa nasabing lugar.

Magaganap ang show sa Surigao City Gym at 7 pm. Si Al Perez ang organizer ng show na ito.