Hunks may katapat na

May katapat na ang The Hunks sa attention ng ABS-CBN. Ito ay matapos mag-sign ng exclusive contract ang hottest group in town, mas nakilala bilang Rexona boys na sina Jordan Herrera, Frank Garcia, Geff Rodriguez, Greg Martin and Jay Salas na pinangalanan ng ABS-CBN as the Power Boys.

Meron na rin silang movie contract sa Star Cinema. Pero kailangan pa nilang kausapin ang Viva Films para mabuo ang grupo dahil nauna nang nag-sign ng contract si Jordan sa Viva.

Six months ang pinirmahan nilang contract. Part ng contract nila ang pagiging regular every Saturday sa Magandang Tanghali Bayan at iba pang programa ng Dos.

Nag-start makilala ang grupo sa kanilang Rexona commercial. Since then, naging favorite na sila ng mga bagets. At ngayon nga, gusto nilang i-try ang showbiz kaya nag-decide silang mag-sign ng contract sa ABS-CBN. Nauna nang napabalita na nag-offer din ang Viva sa grupo. "There were a lot of offers, but only ABS-CBN was willing to build all of us as a group," sabi ni Frank Garcia, ang pinaka-youngest sa group. "So really, we’re doing this for each other. Nagtutulungan kami," he added during the presscon yesterday.

"We hang out with each other a lot," sabi naman ni Geff. "We’ve gotten really close - which is something that happens when you spend upwards of 12 hours a day together in all the rehearsals, workshops and tapings. The past two weeks have been a complete blur," Geff expressed.

Sa kanilang lima, si Jordan ang medyo kilala na dahil first runner-up siya sa Mossimo Bikini Open na ginanap last summer sa Boracay. Si Jordan din ang pinaka-controversial. Maraming sinasabing issue tungkol sa kanya especially sa kanyang background. Pero ayon sa ilang showbiz observer, malamang na si Jordan pa ang sumikat dahil marami siyang issue na kailangang sagutin kaya magiging visible siya sa pagsagot sa mga nasabing intriga lalo na sa kanyang personal life.

May pelikula na rin si Jordan opposite Maui Taylor, ang Gamitan. Medyo nagpa-sexy na siya sa nasabing pelikula na gusto ring gawin ng iba niyang kasama sa Power Boys.

Anyway, halos lahat sila, si Robin Padilla at si Aga Muhlach ang favorite actor nila.