PA mas nauna pang lumaki ang ulo!

Hot item si Jordan Hermogenes a.k.a Jordan Herrera na nakilala sa Rexona commercial. Left and right kasi ang issue sa kanya lalo pa nga at may movie siyang pino-promote, Gamitan starring Maui Taylor and Wendell Ramos. Introducing siya sa nasabing pelikula ng Viva Films kaya nang mag-presscon, maraming tanong tungkol sa issue na marami na siyang naging lover na rich gay.

Na kesyo dati siyang lover ng isang doctor na nag-support sa kanya during the time na nagmo-model pa lang siya and ngayon nga, sinasabing lover siya ng isang dating singer. Binigyan pa raw siya ng second hand car worth P500,000. At ang the height, sa isang suite sa Sulo Hotel siya naka-check in ngayon courtesy of this singer.

Two weeks ago nang makita ko si Jordan with Ed Pacheco sa Megamall. My impression - charming siya at puwedeng sumikat. Pero nang magpo-promote ng pelikula biglang nawala si Jordan at confirmed na may gay benefactor siya. Sabi nga ng isang kaibigan na naging close kay Jordan, parang nagmamadali siya. Nandoon na raw ‘yung point na poor ang family niya sa Bulacan at matagal na niyang gustong tulungan ang parents at kapatid niya para naman maging comfortable ang life nila sa Bulacan. Noon daw kasing nagmo-model pa lang si Jordan, konti lang ang income niya kaya gustong-gusto nitong maging artista.

At ngayon ngang nabigyan siya ng break thru Rexona commercial and Gamitan, negative ang publicity niya dahil maraming nagsasabi na confirmed daw ang tungkol sa kanila ng dating singer na naging reason kung bakit na-turn off sa kanya si Maui Taylor na dating ka-MU (mutual understanding) niya and leading lady niya sa Gamitan.

What if ang opportunity ngayon lang dumating sa kanya? Kung hindi niya iga-grab, baka hindi na bumalik. Paano na ang ambition niya para sa family niya? Hindi naman puwedeng lagi na lang gay benefactor siya nakaasa. "Sayang siya. Pang-matinee idol siya. Kailangan niya lang maging seryoso sa trabaho, sisikat siya," comment ng isang showbiz observer.

Hindi puwedeng makuha sa isang araw lahat ng gusto ng kahit sino say ng isa pang concerned kay Jordan. "Kailangan muna niyang mag-trabaho bago siya kumita."

Well, hindi nagiging matagumpay ang nagmamadali.

*****

Controversial ngayon ang dating personal assistant turned manager ni Regine Velasquez na si Patty. Consistent ang negative comment sa kanya na ang pinaka-last ay ang insidente sa concert ni Regine sa Clark. Wala raw ginawa si Patty kundi murahin lahat ng staff and organizer ng concert na sobrang bastos as in pati producer, minumura niya.

This is not the first time na may nag-reklamo sa Patty na ‘to. Mas nauna pa raw kasing lumaki ang ulo nito kesa sa kanyang amo. Grabe raw kasi kung magmura kahit may ibang tao.

*****

For the first time since makilala si Ms. Ethel Ramos, nag-celebrate siya ng birthday last August 1, Thursday ng walang party. Dinner lang sa Banana Leaf in Podium. Isang simple, intimate dinner - thanks to Ms. June Rufino na host ng nasabing dinner.

Ayaw na kasing mag-party ni Tita Ethel ngayong birthday niya dahil feeling niya, hindi naman lahat ng dumarating sa party, friends niya talaga. Two years ago nga, isang starlet ang dumating sa kanyang party. So no’ng aalis na, nagpaalam sa kanya - "Happy birthday tita Chit (referring to her sister Chit Ramos." Natawa na lang si Tita Ethel. Do’n niya na-realize na hindi naman siya kilala ng nasabing starlet na isinama lang ng kanyang manager.

Last year naman, sobrang dami ng tao. Lahat yata ng TV station may crew pa para mag-cover, pero hindi ng birthday niTita Ethel kundi mag-interview ng mga artistang guest. Nang ipalabas ang interview, hindi man lang na-mention ang birthday niya.

Actually, meron namang offer si Mother Lily Monteverde na mag-host ng party last Thursday, pero mas pinili ni Tita Ethel na i-spend ang birthday niya this year with her friends na close lang sa kanya.

Wala ring masyadong artista except kina Susan Roces, Aga Muhlach and Charlene Gonzales, Joyce Jimenez, Edu Manzano, Bong Revilla with Navotas Mayor Toby Tiangco.

Present din sina Manay Ichu Maceda, Dolor Guevarra, Girlie Rodis, Anita and Arlene Muhlach, Paul Cabral, Andrea Bautista among others. Almost 40 lang ang present.

To you Tita Ethel happy birthday and more power!