Rey Salamat, paborito ng mga artista

Noong last day shooting ng pelikulang Virgin People 3 na ginanap sa Barangay Famy, Siniloan, Laguna, nakakwentuhan ko ang pamosong make-up artist na si Rey Salamat. Nilagyan niya ng prosthetics si Richard Quan na kunwari ay nabaril sa eksena ng pelikulang nabanggit.

Marami ang humahanga kay Tito Rey. Simple lang siyang mag-make-up pero kapag natapos na, hahangaan mo. Ang star nga ng pelikulang Virgin People 3 na si Barbara Milano ay humahanga sa kanya.

Noong araw pa pala, panahon ng Premiere Productions ay nagme-make-up na siya. Ilan sa magagandang moviestars na make-up-an niya sina Edna Luna, Tessie Quintana, Nena Cardenas, Carol Varga at marami pang iba. Aniya, talagang beauty ang mga artista nun. Hindi uso ang retoke beauty. Matatangos talaga ang mga ilong ng artista. Magaganda ang boobs. At masarap makisama.

Enjoy si Tito Rey sa kanyang trabaho. Ma rami pa siyang trabahong tinatanggap. Si Fernando Poe, Jr. ang isa sa artistang hindi niya makakalimutan. Napakabait daw sa kanya at matulungin. Mahal ni FPJ si Tito Rey. Sana raw lahat ng artista ay makatulad ng ugali ng actor na hinahangaan ng lahat. – Vir Gonzales