Malalaking concerts, nasa album na!

"Live" ang titulo ng pinakabagong album na inilabas ng Viva Records. Kuha ito sa malalaking concert ng mga artists ng nasabing outfit na dinumog, pinalakpakan at binigyan ng standing ovation.

Tampok dito ang mga diva na sina Sharon Cuneta ("Sunlight"), Regine Velasquez ("Tuwing Umuulan"), Pops Fernandez ("When You Say Nothing At All") Jaya (Medley), Zsazsa Padilla (We’re All Alone") at Lani Misalucha ("You Don’t Have to Say You Love Me"). Sinamahan ng Freestyle si Pops sa "Bakit Ngayon Ka Lang" at binigyang tribute sila ni Janno Gibbs sa awiting "She".

Ispesyal ang album dahil sa apat na medleys dito: "Love Medley", "Celine Dion Medley"; "Ogie Alcasid Hits Medley" at "Whitney Houston Medley".

May duet sina Janno at Ogie sa album ng medley of favorite songs. First time na isinama ito sa isang album.

Ang "Live" ay kinuha sa Shindig ni Pops, Crossover Live Tour ni Lani,Viva’s & I ni Janno, Freestyle Live At Araneta, Songbird Sings the Classics ni Regine, In My Life ni Zsazsa, Unleashed ni Jaya at Mega Up-Close ni Sharon.