KC, hindi marunong humalik!

Maswerte si KC Montero sapagkat itinuturing ni Judy Ann Santos na mas meaningful, mas masarap yung kissing scene nila sa pelikulang Pakisabi Na Lang.... Mahal Ko Siya na gawa ng Regal Entertainment. Nakatakda itong mapanood sa mga sinehan sa Hulyo 31.

"Naka-limang take kasi kami kaya nasabi ko ito," ani Juday.

"Hindi kasi niya alam kung paano mag-execute ng cinematic kiss. First kiss pa naman niya ito on cam. Di niya alam kung tulad din ba ito ng real kiss. Sabi ko, hindi ko alam. Di naman kasi ako authority on kissing. Kaya, ayun, nagtagal," dagdag pa ni Juday.

First lengthy role ni KC ang Pakisabi Na Lang.. Apat na taon na siya sa bansa pero, garil pa ring mag-Tagalog. Pwede naman siyang magpaturo pero, wala siyang kapana-panahon para dito. Bukod sa kanyang regular stint sa SOP, isa rin siyang VJ ng MTV. Ito ang umuubos ng kanyang oras.

Sinabi niya na nakaka-intindi siya ng Tagalog, nakakapagsalita ng kaunti pero, hirap siyang mag-deliver ng Tagalog dialogue. Kaya marahil pili lang ang kanyang mga role. Like his role in Pakisabi...., isang balik-bayan na teacher. Understandable nga naman kung pa-Ingles-Ingles siya. Substitute teacher naman si Juday na na-crush-an ni Cogie Domingo.

May pagka-komedi ang role ni KC na bagay sa kanya dahil, "I’m not a dramatic person. I prefer comedy, I’m funnier than Troy although he can be funny too when you get to know him," pagtatanggol niya sa kapatid.

Sa isang bahagi ng interview tiniyak ni KC na talagang wala nang balikan sa pagitan nila ni Geneva Cruz. Parang na-offend pa nga ito nang may magtanong kung galing ba sa singer yung hikaw niya.

"No these are my diamonds," madiin niyang tugon.

Going back sa kissing scene nila ni Juday, sinabi ng kanilang direktor sa movie na si Director Boots Plata, na gusto sana niya ay gawin ang naturang eksena kapag palagay na ang dalawa sa isa’t isa pero, naiskedyul ito sa ikalawang araw ng shooting kaya marahil nagkaroon ng aberya na hindi naman nakaapekto sa kabuuan ng movie. Yung kissing scene ni Juday kay Cogie ay sa latter part na ng shoot ginawa kaya, naging mas madali, komportable na sila.

Kasama sa movie sina Alessandra de Rossi, Cherrie Pie Picache, Joel Torre and Eric Quizon. — VRS